ଭୁବନେଶ୍ଵର: ଭୁବନେଶ୍ୱର ଫୁଲନଖରା ସ୍ଥିତ ସିନର୍ଜି ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ଠାରେ ଆୟୋଜିତ ହୋଇଥିବା “ପଣ୍ଡିତ ଦୀନଦୟାଲ ଉପାଧ୍ୟାୟ ପ୍ରଶିକ୍ଷଣ ମହାଅଭିଯାନ-୨୦୨୬” ଜୋନ୍ ସ୍ତରୀୟ ବକ୍ତା ପ୍ରଶିକ୍ଷଣ କର୍ମଶାଳାରେ ଆଇନ, ପୂର୍ତ୍ତ ଓ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚ଼ନ୍ଦନ ଯୋଗଦେଇଛନ୍ତି।
ଏହି ପ୍ରଶିକ୍ଷଣ ଶିବିରରେ ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ‘ଏକାତ୍ମ ମାନବବାଦ’ ଓ ‘ଅନ୍ତ୍ୟୋଦୟ’ ଦର୍ଶନକୁ ପାଥେୟ କରି ସଙ୍ଗଠନକୁ ତୃଣମୂଳ ସ୍ତରରେ ଆହୁରି ସଶକ୍ତ କରିବା ସହିତ ‘ବିକଶିତ ଭାରତ’ ଗଠନର ମହାସଂକଳ୍ପକୁ ପ୍ରତ୍ୟେକ ଘରେ ପହଞ୍ଚାଇବା ଉପସ୍ଥିତ କାର୍ଯ୍ୟକର୍ତ୍ତା ମାନଙ୍କୁ ମାନ୍ୟବର ମନ୍ତ୍ରୀ ଶ୍ରୀ ହରିଚନ୍ଦନ ପରାମର୍ଶ ଦେଇଛନ୍ତି। ଏହି କର୍ମଶାଳାରେ ପୂର୍ବ ଓଡ଼ିଶାର ୭ଟି ସାଂଗଠନିକ ଜିଲ୍ଲା (ପୁରୀ, ଖୋର୍ଦ୍ଧା, ଭୁବନେଶ୍ୱର, କଟକ(ନଗର), କଟକ (ଗ୍ରାମୀଣ), କେନ୍ଦ୍ରାପଡା, ଜଗସିଂହପୁର) ର ବିଭିନ୍ନ ଦାୟିତ୍ୱରେ ଥିବା ସଦସ୍ୟ ଓ ନେତୃବୃନ୍ଦ ଉପସ୍ଥିତ ରହି କର୍ମଶାଳାକୁ ଅଗ୍ରସର କରିଛନ୍ତି।
ଆଗାମୀ ଦିନରେ ପ୍ରତ୍ୟେକ ମଣ୍ଡଳ ସ୍ତରରେ ହେବାକୁ ଥିବା କର୍ମଶାଳାମାନଙ୍କ ମାଧ୍ୟମରେ ସଂଗଠନକୁ ଆହୁରି ସକ୍ରିୟ ଓ ସୁଦୃଢ଼ କରିବା ଉପରେ ମଧ୍ୟ ଆଲୋଚନା ହେଲା।
ଏହି ଅବସରରେ ମାନ୍ୟବର ଶିଳ୍ପ,ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ ସମ୍ପଦ ସ୍ବାଇଁ, ପୂର୍ବତନ ରାଜ୍ୟ ଭାଜପା ସଭାପତି ସମୀର ମହାନ୍ତି, ସାଧାରଣ ସମ୍ପାଦକ (ସଂଗଠନ) ମାନସ ମହାନ୍ତି, ସାଧାରଣ ସମ୍ପାଦକ ଶାରଦା ପ୍ରସାଦ ଶତପଥୀଙ୍କ ସମେତ ମାନ୍ୟବର ବିଧାୟକ ଗଣ, ବିଭିନ୍ନ ସାଂଗଠନିକ ଜିଲ୍ଲାର ଜିଲ୍ଲା ସଭାପତି, ଅନ୍ୟାନ୍ୟ ପଦାଧିକାରୀ, ବରିଷ୍ଠ ନେତୃବୃନ୍ଦ ଓ କାର୍ଯ୍ୟକର୍ତ୍ତାମାନେ ଉପସ୍ଥିତ ଥିଲେ।