କୋଲକାତାର ଏକ ମେଟ୍ରୋପୋଲିଟନ ମାଜିଷ୍ଟ୍ରେଟ କୋର୍ଟ କଂଗ୍ରେସର ବରିଷ୍ଠ ନେତା ଶଶି ଥରୁରଙ୍କ ବିରୋଧରେ ମଙ୍ଗଳବାର ଦିନ ଗିରଫ ପରଓ୍ବାନା ଜାରି କରିଛନ୍ତି । ଆଇନଜୀବୀ ସୁମିତ ଚୌଧୁରୀଙ୍କ ଦ୍ୱାରା ରୁଜୁ କରାଯାଇଥିବା ମାମଲାରେ ଏହି ୱାରେଣ୍ଟ ଜାରି କରାଯାଇଛି । ସୂଚନାଯୋଗ୍ୟ ଯେ, 11 ଜୁଲାଇ,2018ରେ ଶଶି ଥରୁରଙ୍କ ହିନ୍ଦୁ ପାକିସ୍ତାନ ବୟାନକୁ ନେଇ ଏହି ଗିରଫ ପରଓ୍ବାନା ଜାରି କରାଯାଇଛି । ଥରୁର୍ କହିଥିଲେ ଯଦି ବିଜେପି ପୁନର୍ବାର କ୍ଷମତାକୁ ପ୍ରତ୍ୟାବର୍ତ୍ତନ କରେ ତେବେ ଭାରତ ହିନ୍ଦୁ ପାକିସ୍ତାନରେ ପରିଣତ ହେବ । ଭାରତରେ ସଂଖ୍ୟାଲଘୁଙ୍କ ସ୍ବରକୁ ଦବାଇ ଦିଆଯିବ ଏବଂ ଅତ୍ୟାଚାର କରାଯିବ ବୋଲି ମତ ଦେଇଥିଲେ ଥରୁର୍ ।
କଂଗ୍ରେସ ନେତା ଶଶି ଥରୁରଙ୍କ ଗାଡ଼ି ଉପରକୁ ଆକ୍ରମଣ: ସୁରକ୍ଷା କର୍ମୀ ଏବଂ ଡ୍ରାଇଭର ଆହତ