ବାଣପୁର: ଭାରତ ସରକାରଙ୍କର ଶିକ୍ଷା ମନ୍ତ୍ରାଳୟଙ୍କ ନିର୍ଦ୍ଦେଶ କ୍ରମେ ଜିଲ୍ଲା ଶିକ୍ଷା ଅଧିକାରୀ ଖୋର୍ଦ୍ଧାଙ୍କ ଆଦେଶ କ୍ରମେ ନବ ଭାରତ ସାକ୍ଷରତା କାର୍ଯ୍ୟକ୍ରମ “ଉଲ୍ଲାସ” ମାଧ୍ୟମରେ ବାଣପୁର ବ୍ଲକର ବାର ଗୋଟି ଆଞ୍ଚଳିକ ସାଧନ କେନ୍ଦ୍ର ଗୁଡିକରେ ୧୫୦୦ ନିରକ୍ଷର ପୁରୁଷ ଓ ମହିଳା ପରୀକ୍ଷା ଦେଇଛନ୍ତି। ପୂର୍ବ ପ୍ରଥମ ପର୍ଯ୍ୟାୟରେ ବାଣପୁର ବ୍ଲକର ୧୪୫୬ ଜଣ ନିରକ୍ଷର ପରୀକ୍ଷାରେ ଯୋଗଦେଇ ସାକ୍ଷର କୄତ କାର୍ଯ୍ୟ ହୋଇଛନ୍ତି। ବର୍ତ୍ତମାନର ଦ୍ୱିତୀୟ ପର୍ଯ୍ୟାୟରେ ୧୫୦୦ ନିରକ୍ଷର ପରୀକ୍ଷାର ଫଳାଫଳ ସହିତ ଭାରତ ସରକାରଙ୍କ ପକ୍ଷରୁ ମାନପତ୍ର ପାଇବା ଅପେକ୍ଷାରେ ଅଛନ୍ତି।
ସ୍ଥାନୀୟ ବାନାମ୍ବର ସରକାରୀ ଉଚ୍ଚ ବିଦ୍ୟାଳୟ କେନ୍ଦ୍ରରେ ସର୍ବାଧିକ ୨୫୦ ରୁ ଉର୍ଦ୍ଧ ପରୀକ୍ଷାର୍ଥୀ ଯୋଗ ଦେଇ ବାଣପୁର ବ୍ଲକର ଗୌରବ ସ୍ଥାପନ କରିଛନ୍ତି। ବାଣପୁର ବ୍ଲକର ସମସ୍ତ ପରୀକ୍ଷା କେନ୍ଦ୍ର ପରିଚାଳକ ,ବ୍ଲକ ନୋଡାଲ ଅଫିସର , ତଥା ଏ . ବି . ଇ. ଓ, ସମସ୍ତେ ଗ୍ରାମପଞ୍ଚାୟତ ନୋଡାଲ ଅଫିସର ତଥା ଆଞ୍ଚଳିକ ସାଧନ କର୍ମୀଙ୍କର ତତ୍ୱାବଧାନରେ ବାଣପୁର ଗୋଷ୍ଠୀ ଶିକ୍ଷା କାର୍ଯ୍ୟାଳୟ ଓ ଖୋର୍ଦ୍ଧା ଜିଲ୍ଲା ଶିକ୍ଷା କାର୍ଯ୍ୟାଳୟକୁ ଗୌରବାନ୍ଵିତ କରିଛନ୍ତି। ଏଣୁ ସମସ୍ତ ଅଧିକାରୀ ମାନଙ୍କୁ ଗୋଷ୍ଠୀ ଶିକ୍ଷା ଅଧିକ।ରୀ ଧନ୍ୟବାଦ୍ ଦେବା ସଙ୍ଗେ ସଙ୍ଗେ ସମସ୍ତଙ୍କ ସହଯୋଗ ନିମନ୍ତେ କୄତଜ୍ଞତା ଜଣାଇଛନ୍ତି।