କେନ୍ଦ୍ରମନ୍ତ୍ରୀ ହରସିମରତ୍ କୌର୍ ବାଦଲ୍ ମଙ୍ଗଳବାର ପାକିସ୍ତାନ ପ୍ରଧାନମନ୍ତ୍ରୀ ଏବଂ ଅନ୍ୟ ଜଣେ ମନ୍ତ୍ରୀଙ୍କୁ ଆକ୍ରମଣ କରିଛନ୍ତି । ଇମ୍ରାନ୍ କାଶ୍ମୀରରେ ଧାରା 370 ଉଚ୍ଛେଦ ପ୍ରସଙ୍ଗରେ ବିଭିନ୍ନ ଅନ୍ତର୍ଜାତୀୟ ଦେଶର ସହଯୋଗ କାମନା କରୁଥିବା ବେଳେ ଏହାକୁ ସମାଲୋଚନା କରିଛନ୍ତି ବାଦଲ । ଏହା ଭାରତର ଅନ୍ତରୀଣ ମାମଲା ତେଣୁ ଏହି ପ୍ରସଙ୍ଗରେ ଭାରତ ପାକିସ୍ତାନ କିମ୍ବା ଇମ୍ରାନଙ୍କ ପରାମର୍ଶ ଆବଶ୍ୟକ କରୁନାହିଁ । ସେହିପରି ଅନ୍ୟ ଜଣେ ପାକିସ୍ତାନୀ ମନ୍ତ୍ରୀ ଫଓ୍ବାଦ ଚୌଧୁରୀଙ୍କୁ ପଞ୍ଜାବୀ ସୈନ୍ୟଙ୍କ ବିରୋଧରେ ଦେଇଥିବା ମନ୍ତବ୍ୟ ପାଇଁ ସମାଲୋଚନା କରିଛନ୍ତି ବାଦଲ । ମଙ୍ଗଳବାର ଦିନ ଫଓ୍ବାଦ ଏକ ଟ୍ବିଟ୍ କରି କହିଥିଲେ, ଭାରତୀୟ ସେନା ବାହିନୀରେ ରହିଥିବା ପଞ୍ଜାବୀ ସୈନ୍ୟ କାଶ୍ମୀରରେ ମୁତୟନ ହେବାକୁ ଚାହୁଁନାହାନ୍ତି । ଏହାକୁ ବିରୋଧ କରି ବାଦଲ ଲେଖିଥିଲେ ‘ପଞ୍ଜାବୀ ମାନେ ଦେଶ ପାଇଁ ଜୀବନ ଉତ୍ସର୍ଗ କରିବା ପାଇଁ ସର୍ବଦା ଆଗରେ ରୁହନ୍ତି‘ ଫଓ୍ବାଦ ଆମେ ତୁମଠାରୁ କୌଣସି ପରାମର୍ଶ ଆବଶ୍ୟକ କରୁନାହୁଁ । ଏହା ପରେ ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂ ମଧ୍ୟ ଏହା ଭାରତର ଅନ୍ତରୀଣ ବ୍ୟାପାର ବୋଲି ଟ୍ବିଟ୍ କରିଥିଲେ ।
ପଞ୍ଜାବରେ ବିଜେପି-ଅକାଳୀ ଦଳ ମେଣ୍ଟ?: ସଂକେତ ଦେଲେ ହରସିମରତ କୌର