ଉତ୍ତର -ପଶ୍ଚିମ ବଙ୍ଗୋପସାଗରେ ସୃଷ୍ଟି ଲଘୁଚାପ ଫଳରେ ରାଜ୍ୟରେ ଗତ ୨୪ଘଣ୍ଟା ମଧ୍ୟରେ ସାରା ରାଜ୍ୟରେ ୩.୪ପ୍ରତିଶତ ବର୍ଷା ରେକର୍ଡ଼ ହୋଇଥିବା ବେଳେ ୧୭ଟି ବ୍ଲକରେ ୧୦୦ରୁ ୨୦୦ମିମି ବର୍ଷା ରେକର୍ଡ଼ ହୋଇଛି । ୧୯ଟି ବ୍ଲକର ୧୪୨ଟି ଗାଁର ୨ଲକ୍ଷ ଲୋକ ପ୍ରଭାବିତ ହୋଇଛନ୍ତି ବୋଲି ଏସ୍ଆରସି ବିଷ୍ଣୁପଦ ସେଠୀ ସୂଚନା ଦେଇଛନ୍ତି । ରାଜ୍ୟରେ ଲଗାଣ ବର୍ଷା ହେବା କାରଣରୁ ସମ୍ଭାବ୍ୟ ମରୁଡ଼ି ସ୍ଥିତି ଟଳିଯାଇଛି ବୋଲି କହିଛନ୍ତି ବିଷ୍ଣୁପଦ ସେଠୀ । ୮ଟି ଜିଲ୍ଲାରେ ସ୍ବାଭାବିକ ଠାରୁ ଅଧିକ ବର୍ଷା ହୋଇଥିବା ବେଳେ ୧୫ଟି ଜିଲ୍ଲାରେ ସ୍ୱାଭାବିକ ବର୍ଷା ହୋଇଛି । ବନ୍ୟା ପ୍ରଭାବିତ ଅଂଚଳରେ ୧୫ଟି ଓଡ୍ରାଫ ଟିମ ,୩ଟି ଏନଡିଆରଏଫ ଟିମ, ଅଗ୍ନିଶମ ବାହିନୀ ମୁତୟନ ଅଛଝନ୍ତି । ଚଳିତ ଥର ବଲାଙ୍ଗୀରରେ ପ୍ରବଳ ବର୍ଷା ହୋଇଛି । ଆଗରୁ ସେଠାରେ ଏପରି ବର୍ଷା କେବେ ହୋଇ ନଥିଲା । ଗତ ୨୪ଘଣ୍ଟାରେ ବଲାଙ୍ଗୀରରେ ୫୫୫ ମିମି ବର୍ଷା ରେକର୍ଡ଼ କରାଯାଇଛି ବୋଲି ବିଷ୍ଣୁପଦ ସେଠୀ ସୂଚନା ଦେଇଛନ୍ତି । ବନ୍ୟାପରିସ୍ଥିତିରୁ ୫୦ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇ୧୨୪ଟି ରିଲିଫ କେନ୍ଦ୍ରରେ ରଖାଯାଇଛି ।
