କଟକ: କଟକରେ ପ୍ରଥମ ଥର ପାଇଁ ଆୟୋଜିତ ହେବାକୁ ଯାଉଛି ପ୍ରଥମ ସର୍ବଭାରତୀୟ ଇଣ୍ଡୋର ରୋଇଂ ଚାମ୍ପିଅନସିପ୍’। ରୋଇଂ ଫେଡେରେସନ୍ ଅଫ୍ ଇଣ୍ଡିଆର ମାର୍ଗଦର୍ଶନରେ ଓଡ଼ିଶା ଆସୋସିଏସନ ଫର ରୋଇଂ ଆଣ୍ଡ ସ୍କୁଲିଂ ପକ୍ଷରୁ ଏହି ପ୍ରତିଯୋଗୀତାର ଆୟୋଜନ କରାଯାଉଛି। ଜବାହରଲାଲ ନେହେରୁ ଇଣ୍ଡୋର ଷ୍ଟାଡିୟମଠାରେ ଏପ୍ରିଲ ୮ ରୁ ୧୧ ତାରିଖ ପର୍ଯ୍ୟନ୍ତ ଏହି ପ୍ରତିଯୋଗୀତା ଅନୁଷ୍ଠିତ ହେବ। ଆୟୋଜିତ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ପ୍ରଦାନ କରିଛନ୍ତି ଓଡ଼ିଶା ଆସୋସିଏସନ ଫର ରୋଇଂ ଆଣ୍ଡ ସ୍କୁଲିଂର ସଭାପତି ବିନୋଦ ଦାସ।
ଏହି ଅବସରରେ ସେ କହିଛନ୍ତି ଯେ, ଏହି ପ୍ରତିଯୋଗୀତା ପ୍ରଥମ ଥର ପାଇଁ ଆୟୋଜନ କରିବା ଆମ ରାଜ୍ୟର କ୍ରୀଡ଼ା ପ୍ରତିବଦ୍ଧତାର ପରିଚୟ। ଏହି ପ୍ରତିଯୋଗୀତାରେ ପ୍ରାୟ ୩୫୦ ପୁରୁଷ ଏବଂ ୨୫୦ ମହିଳା ପ୍ରତିଯୋଗୀ ଭାଗ ନେଇଛନ୍ତି।