ଭୁବନେଶ୍ଵର: ଆସନ୍ତା ୮ ତାରିଖରୁ ପୁଣିଥରେ ରତ୍ନଭଣ୍ଡାର ଅଳଙ୍କାରର ଗଣତିମଣତି ଆରମ୍ଭ ହେବ। ଆସନ୍ତା ୮,୯ ଏବଂ ୧୦ ତାରିଖରେ ଗଣତି ପାଇଁ କାର୍ଯ୍ୟସୂଚୀ ଧାର୍ଯ୍ୟ କରାଯାଇଥିବା ଆଇନମନ୍ତ୍ରୀ ପୃଥ୍ବୀରାଜ ହରିଚନ୍ଦନ କହିଛନ୍ତି। ଏହି ତିନିଦିନ ମଧ୍ୟରେ ରତ୍ନଭଣ୍ଡାରର ସମସ୍ତ ଅଳଙ୍କାରର ଗଣତି ମଣତି ଶେଷ ହେବ ବୋଲି ମନ୍ତ୍ରୀ ଆଶାବ୍ୟକ୍ତ କରିଛନ୍ତି।
ଶ୍ରୀ ହରିଚନ୍ଦନ ଆହୁରି କହିଛନ୍ତି ଯେ, ମହାପ୍ରଭୁ ଜଗନ୍ନାଥଙ୍କ କୃପାରୁ ଗଣତି ଶେଷ ହେବା ପରେ ଅଳଙ୍କାରର ତାଲିକା ପ୍ରସ୍ତୁତ କରାଯିବ। ଗଣତି ସମୟରେ ଡିଜିଟାଲ ଫଟୋ ନିଆଯାଉଛି। ଥ୍ରୀଡି ଫଟୋଗ୍ରାଫି ମଧ୍ୟ କରାଯାଉଛି। ଫଳରେ ଅଳଙ୍କାରର ନାମକୁ ଚିହ୍ନଟ କରାଯିବ ଏବଂ ସେଗୁଡ଼ିକୁ ଆଗାମୀ ବର୍ଷପାଇଁ ଠିକ୍ଭାବେ ସୁରକ୍ଷିତ ରଖାଯିବ ବୋଲି ସେ କହିଛନ୍ତି।