ପଶ୍ଚିମବଙ୍ଗ: ଆଜି ପଶ୍ଚିମବଙ୍ଗ ଦ୍ଵିତୀୟ ପର୍ଯ୍ୟାୟ ନିର୍ବାଚନ । ୧୪୨ ଆସନରେ ନେତା ବାଛିବେ ମତଦାତା । ଉତ୍ତର ଓ ଦକ୍ଷିଣ କୋଲକାତା ସହ ହାୱଡ଼ା, ନର୍ଥ ଓ ସାଉଥ୍ ୨୪ ପ୍ରଗଣା, ନଦିଆ, ହୁଗୁଳି ଏବଂ ପୂର୍ବ ବର୍ଦ୍ଧମାନ ଭଳି ବିଧାନସଭା ସିଟରେ ହେଉଛି ଫାଇଟ୍। ଯାହା ମଧ୍ୟରେ ରହିଛି ହାଇଭୋଲଟେଜ୍ ଭବାନୀପୁର ଆସନ। ଯେଉଁଠି ତୃଣମୂଳ କଂଗ୍ରେସ ମୁଖିଆ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଟକ୍କର ଦେଉଛନ୍ତି ବିରୋଧୀଦଳ ନେତା ତଥା ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀ।
୨୯୪ ଆସନ ବିଶିଷ୍ଟ ବେଙ୍ଗଲ ବିଧାନସଭା ପାଇଁ ପ୍ରଥମ ପର୍ଯ୍ୟାୟ ଏପ୍ରିଲ୍ ୨୩ରେ ୧୫୨ ଆସନରେ ପଡ଼ିଥିଲା ଭୋଟ୍। ପ୍ରଥମ ପର୍ଯ୍ୟାୟରେ ୯୧.୭୮ ପ୍ରତିଶତ ଭୋଟିଂ ହୋଇଥିଲା । ବେଙ୍ଗଲ ଦଖଲ ପାଇଁ ବିଜେପି ଜବରଦସ୍ତ ପ୍ରଚାର କରିଥିବାବେଳେ କ୍ଷମତା ବଜାୟ ରଖିବାକୁ ଟିଏମସି ବି ଜୀ-ଜାନ୍ ଲଗାଇଛି। ତେବେ ମେ ୪ ତାରିଖ ଫଳାଫଳ ଉପରେ ରହିଛି ସାରା ଦେଶର ନଜର।
ପଶ୍ଚିମ ବଙ୍ଗରେ ପ୍ରଥମ ପର୍ଯ୍ୟାୟ ନିର୍ବାଚନ ବେଳେ ବ୍ୟାପକ ହିଂସା ପରେ ଦ୍ବିତୀୟ ପର୍ଯ୍ୟାୟ ପାଇଁ ସବୁଠି ସୁରକ୍ଷା ପୂରା ଟାଇଟ୍। ବିଭିନ୍ନ ରାଜ୍ୟରୁ ବହୁ ଦକ୍ଷ ଆଇପିଏସ୍ ଅଫିସରଙ୍କୁ ଭିନ୍ନ ଭିନ୍ନ ନିର୍ବାଚନ କ୍ଷେତ୍ର ପାଇଁ ପର୍ଯ୍ୟବେକ୍ଷକ ଭାବେ ନିଯୁକ୍ତି ଦେଇଛନ୍ତି ନିର୍ବାଚନ କମିଶନ।
