ପଶ୍ଚିମବଙ୍ଗ: ପଶ୍ଚିମବଙ୍ଗରେ ସନ୍ଧ୍ୟା ୫ଟା ସୁଦ୍ଧା ୮୮.୯୯ ପ୍ରତିଶତ ମତଦାନ ହୋଇଛି। ହୁଗୁଳି ରେ ୯୦.୩୪%, ହାୱଡାରେ ୮୯.୪୪%, କୋଲକାତା ଉତ୍ତରରେ ୮୭.୭୭% ଏବଂ କୋଲକାତା ଦକ୍ଷିଣରେ ୮୬.୧୧% ମତଦାନ ହୋଇଛି। ନଦିଆରେ ୯୦.୨୮%, ଉତ୍ତର ୨୪ ପରଗନାରେ ୮୯.୭୪%, ପୂର୍ବ ବର୍ଦ୍ଧମାନରେ ସର୍ବାଧିକ ୯୨.୪୬% ଏବଂ ଦକ୍ଷିଣ ୨୪ ପରଗନାରେ ୮୯.୫୭% ମତଦାନ ହୋଇଛି। ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନିର୍ବାଚନମଣ୍ଡଳୀ ଭବାନୀପୁରରେ ୮୫.୫୧% ମତଦାନ ହୋଇଛି।
୨୯୪ ଆସନ ବିଶିଷ୍ଟ ବେଙ୍ଗଲ ବିଧାନସଭା ପାଇଁ ପ୍ରଥମ ପର୍ଯ୍ୟାୟ ଏପ୍ରିଲ୍ ୨୩ରେ ୧୫୨ ଆସନରେ ପଡ଼ିଥିଲା ଭୋଟ୍। ପ୍ରଥମ ପର୍ଯ୍ୟାୟରେ ୯୧.୭୮ ପ୍ରତିଶତ ଭୋଟିଂ ହୋଇଥିଲା । ବେଙ୍ଗଲ ଦଖଲ ପାଇଁ ବିଜେପି ଜବରଦସ୍ତ ପ୍ରଚାର କରିଥିବାବେଳେ କ୍ଷମତା ବଜାୟ ରଖିବାକୁ ଟିଏମସି ବି ଜୀ-ଜାନ୍ ଲଗାଇଛି। ତେବେ ମେ ୪ ତାରିଖ ଫଳାଫଳ ଉପରେ ରହିଛି ସାରା ଦେଶର ନଜର।
