ପଶ୍ଚିମବଙ୍ଗ : ପଶ୍ଚିମବଙ୍ଗର ନିର୍ବାଚନ ଫଳାଫଳ ମେ ୪ରେ ବାହାରିବାକୁ ଥିବାବେଳେ ଆସନ୍ତାକାଲି ପୁଣିଥରେ ମତଦାନ ଅନୁଷ୍ଠିତ ହେବ ବୋଲି ସୂଚନା ରହିଛି ।
ମିଳିଥିବା ସୂଚନା ଅନୁସାରେ ଦକ୍ଷିଣ ୨୪ ପରଗନାର ୧୫ଟି ପୋଲିଂ ବୁଥରେ ପୁନଃ ମତଦାନ ଅନୁଷ୍ଠିତ ହେବ। ମଗ୍ରାହାଟ ପଶ୍ଚିମର ୧୧ଟି ପୋଲିଂ ବୁଥରେ ଏବଂ ଡାଇମଣ୍ଡ ହାର୍ବରର ୪ଟି ପୋଲିଂ ବୁଥରେ ସକାଳ ୭ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଭୋଟଦାନ ଅନୁଷ୍ଠିତ ହେବ। ଏହି ଆସନଗୁଡ଼ିକ ପାଇଁ ଦ୍ୱିତୀୟ ପର୍ଯ୍ୟାୟରେ ଏପ୍ରିଲ ୨୯ରେ ମତଦାନ ହୋଇଥିଲା, ମାତ୍ର ଏଠାରେ ଠିକ ଭାବରେ ମତଦାନ ହୋଇନଥିବାର ଅଭିଯୋଗ ହୋଇଛି। ଏହା ପରେ ନିର୍ବାଚନ କମିଶନ ପଦକ୍ଷେପ ନେଇ ଏହାକୁ ବାତିଲ କରି ପୁନଃ ମତଦାନ ଘୋଷଣା କରିଛନ୍ତି।
