ସମ୍ବଲପୁର: ସମ୍ବଲପୁରରେ ପୁଣି ଏନକାଉଣ୍ଟର। ଅପରାଧୀଙ୍କ ବିରୋଧରେ ସମ୍ବଲପୁର ପୁଲିସ କ୍ରମାଗତ କାର୍ଯ୍ୟାନୁଷ୍ଠାନ ନେବା ଆରମ୍ଭ କରିଛି। କୁଖ୍ୟାତ ଅପରାଧୀ ବଣ୍ଟି ସୁନାକୁ ହୋଇଛି ଏନକାଉଣ୍ଟର। ଚାରମାଳ ଥାନା ମୋଚିବାହାଲ ଅଞ୍ଚଳରେ ପୋଲିସ ତାକୁ ଏନକାଉଣ୍ଟର କରିଥିବା ବେଳେ ତାର ବାମ ଗୋଡରେ ଗୁଳି ବାଜିଛି। ଆହତ ବଣ୍ଟିକୁ ବୁର୍ଲା ମେଡିକାଲକୁ ସ୍ଥାନାନ୍ତର କରାଯାଇଛି। ଆଜି ସନ୍ଧ୍ୟାରେ ପୁଲିସର ଗୁଳିମାଡ଼ରେ ବଣ୍ଟି ସୁନା ଗୁରୁତର ହୋଇଛି। ସମ୍ବଲପୁର ଜିଲ୍ଲା ଚାଳମାଳ ଥାନା ଅଧୀନ ମୋଚିବାହାଲ ନିକଟରେ ବଣ୍ଟି ସୁନାକୁ ପୁଲିସ ଏନ୍କାଉଣ୍ଟର କରିଛି। ବଣ୍ଟି ନାରେ ଗଞ୍ଜେଇ ଚାଲାଣ, ଚୋରି, ଡକାୟତି, ରାହାଜାନୀ, ଲୁଟ୍ ଆଦି ୧୬ଟି ମାମଲା ଅଛି ।
ସୂଚନାଯୋଗ୍ୟ, ଦିନକ ତଳେ ସମ୍ବଲପୁରରେ ପୋଲିସ ଏନକାଉଣ୍ଟର କରିଥିଲା । ବୁର୍ଲାରେ ପୋଲିସ ଗୁଳିରେ ଆହତ ହୋଇଥିଲା ଦୁର୍ଦ୍ଦାନ୍ତ ଅପରାଧୀ ମନୀଷ ସାହୁ । ତା ନାଁରେ ଡକାୟତି, ଲୁଟ, ଆର୍ମ୍ସ ଆକ୍ଟ ଓ କୋରେକ୍ସ କାରବାର ସମେତ ୧୪ରୁ ଅଧିକ ମାମଲା ରହିଛି ।
