ନୂଆଦିଲ୍ଲୀ: ମୁମ୍ବାଇ ଇଣ୍ଡିଆନ୍ସକୁ ରାଜସ୍ଥାନ ରୟାଲ୍ସ ୩୦ ରନରେ ପରାସ୍ତ କରିଛି। ଏହା ସହିତ ରାଜସ୍ଥାନ ଆଇପିଏଲ-୨୦୨୬ ପ୍ଲେଅଫ ପାଇଁ ଯୋଗ୍ୟତା ଅର୍ଜନ କରିଥିବା ଚତୁର୍ଥ ଦଳ ହୋଇଛି। ଏହା ପୂର୍ବରୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର, ଗୁଜରାଟ ଟାଇଟାନ୍ସ ଏବଂ ସନରାଇଜର୍ସ ହାଇଦ୍ରାବାଦ ଶେଷ ଚାରିରେ ସ୍ଥାନ ସୁରକ୍ଷିତ କରିସାରିଛନ୍ତି।
ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ୍ ରେ ରାଜସ୍ଥାନ ରୟାଲ୍ସ ପ୍ରଥମେ ବ୍ୟାଟିଂ କରି ୨୦୫ ରନ କରିଥିଲା। ଜବାବରେ ମୁମ୍ବାଇ ନିର୍ଦ୍ଧାରିତ ୨୦ ଓଭରରେ କେବଳ ୧୭୫ ରନ କରିପାରିଥିଲା। ରାଜସ୍ଥାନର ବିଜୟ ଯୋଗୁଁ ପଞ୍ଜାବ କିଙ୍ଗ୍ସ ଏବଂ କୋଲକାତା ନାଇଟ୍ ରାଇଡର୍ସ ଆଇପିଏଲ-୨୦୨୬ ରୁ ବାଦ ପଡ଼ିଛନ୍ତି।
ସପ୍ତମ ଥର ପାଇଁ ପ୍ଲେଅଫରେ ରାଜସ୍ଥାନ
ଆଇପିଏଲ ଇତିହାସରେ ଏହା ସପ୍ତମ ଥର, ଯାହା ରାଜସ୍ଥାନ ରୟାଲ୍ସ ପ୍ଲେଅଫରେ ସ୍ଥାନ ପାଇଛି। ଚେନ୍ନାଇ ସୁପର କିଙ୍ଗ୍ସ ସର୍ବାଧିକ ପ୍ଲେଅଫ ସ୍ଥାନ ପାଇଁ ରେକର୍ଡ ରଖିଛି, ଶେଷ ଚାରିରେ ୧୨ ଥର ପହଞ୍ଚିଛି। ଅଧିନାୟକ ଭାବରେ ରାଜସ୍ଥାନକୁ ପ୍ରଥମ ସିଜିନରେ ପ୍ଲେଅଫ୍ ପର୍ଯ୍ୟନ୍ତ ନେଇଯାଇଥିବା ରିୟାନ୍ ପରାଗଙ୍କ ପାଇଁ ଏହା ଏକ ବଡ଼ ସଫଳତା।