ଉଗାଣ୍ଡାରେ ଏକ ଗ୍ୟାସ୍ ଟ୍ୟାଙ୍କରରେ ବିସ୍ଫୋରଣ ଘଟିଛି । ପଶ୍ଚିମ ଉଗାଣ୍ଡାରେ ସୋମବାର ଦିନ ଏହି ବିସ୍ଫୋରଣ ଘଟି 20 ଜଣଙ୍କ ପ୍ରାଣହାନି ଘଟିଥିବା ବେଳେ 12 ଜଣ ଆହତ ହୋଇଛନ୍ତି । ପଶ୍ଚିମ ଉଗାଣ୍ଡାର ରୁବୁରିଜି ଜିଲ୍ଲାରେ ଏହି ବିସ୍ଫୋରଣ ଘଟିଥିଲା । ଏହି ତୈଳ ଟ୍ୟାଙ୍କରଟି କେନିଆରୁ କଙ୍ଗୋ ଅଭିମୁଖେ ଯାତ୍ରା କରୁଥିଲା । ଗାଡିର ଡ୍ରାଇଭର ନିୟନ୍ତ୍ରଣ ହରାଇ ଅନ୍ୟ ଏକ ବସ୍ ସହିତ ଟ୍ୟାଙ୍କକୁ ଧକ୍କା ଦେଇଥିଲେ । ଫଳରେ ଅଗ୍ନିକାଣ୍ଡ ଘଟିବା ସହିତ ବିସ୍ଫୋରଣରେ 20 ଜଣଙ୍କ ପ୍ରାଣହାନି ଘଟିଥିଲା । ଦୁଇଟି ଗାଡି ଏହି ବିସ୍ଫୋରଣରେ ସମ୍ପୂର୍ଣ୍ଣ ଜଳି ଯାଇଥିଲା । ଆହତ ମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
