ନୂଆଦିଲ୍ଲୀ: ପୁଣି ଥରେ ବିଷାକ୍ତ ମଦ ପିଇ ମହାରାଷ୍ଟ୍ରରେ ଅନେକ ଲୋକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ପିମ୍ପରି-ଚିଞ୍ଚୱଡ଼ର ଦାପୋଡ଼ି ଏବଂ ଫୁଗେୱାଡ଼ି ଅଞ୍ଚଳରେ ଆଠ ଜଣଙ୍କ ମୃତ୍ୟୁ ଘଟିଥିବା ବେଳେ ପୁଣେର କାଲେ ପଡ଼ଲ ଅଞ୍ଚଳରେ ତିନି ଜଣଙ୍କ ଏବଂ ହଡପସରର ଦୁଇଜଣଙ୍କ ମୃତ୍ୟୁ ହୋଇଛି। ଏହା ଦ୍ୱାରା ମୋଟ ପୀଡିତଙ୍କ ସଂଖ୍ୟା ୧୩ ରେ ପହଞ୍ଚିଛି।
ସୂଚନା ଅନୁଯାୟୀ, ଏହି ବିଷାକ୍ତ ଏବଂ ସ୍ପିରିଟ୍ ମିଶ୍ରିତ ମଦ ଯୋଗେଶ ୱାଙ୍ଖଡେ ନାମକ ଜଣେ ବ୍ୟକ୍ତି ପ୍ରସ୍ତୁତ କରିଥିଲେ। ଏହା ପୁଣେ ଏବଂ ପିମ୍ପରି-ଚିଞ୍ଚୱଡର ବିଭିନ୍ନ ଅଞ୍ଚଳରେ ବିକ୍ରି ହେଉଥିଲା। ଲୋକମାନେ ଏହି ମଦ ପିଇଥିଲେ। କିଛି ସମୟ ପରେ ସେମାନଙ୍କ ସ୍ୱାସ୍ଥ୍ୟ ଖରାପ ହୋଇଥିଲା ଏବଂ ସେମାନଙ୍କ ମୁହଁରୁ ଫେଣ ବାହାରିବାକୁ ଲାଗିଲା। କିଛି ସମୟ ପରେ ସେମାନଙ୍କର ମୃତ୍ୟୁବରଣ ହୋଇଥିଲା।