ନୂଆଦିଲ୍ଲୀ: ଭାରତୀୟ କ୍ରିକେଟ୍ ବୋର୍ଡର ଜୁନିଅର କ୍ରିକେଟ୍ କମିଟି ଆଜି ଶ୍ରୀଲଙ୍କା ବିପକ୍ଷରେ ଦିନିକିଆ ଏବଂ ବହୁ-ଦିବସୀୟ ମ୍ୟାଚ୍ ପାଇଁ ଭାରତର ୧୯ ବର୍ଷରୁ କମ୍ ଦଳ ଘୋଷଣା କରିଛି। ଉଭୟ ସିରିଜ ପାଇଁ ପୃଥକ ୧୫ ଜଣିଆ ଦଳ ଘୋଷଣା କରାଯାଇଛି। ପ୍ରଥମଟି ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ହେବ, ତା’ପରେ ଦୁଇ ମ୍ୟାଚ୍ ବିଶିଷ୍ଟ ବହୁ-ଦିବସୀୟ ସିରିଜ୍ ହେବ। ପୂର୍ବତନ ଭାରତୀୟ ଖେଳାଳି ଏବଂ ପୂର୍ବତନ ଭାରତୀୟ ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡଙ୍କ ସାନ ପୁଅ ଅନଭୟ ଦ୍ରାବିଡଙ୍କୁ ମଧ୍ୟ ଦିନିକିଆ ସିରିଜ୍ ଦଳ ପାଇଁ ଚୟନ କରାଯାଇଛି।
ସିରିଜ୍ ଜୁଲାଇ ୪ ତାରିଖରେ ପ୍ରଥମ ଦିନିକିଆ ସହିତ ଆରମ୍ଭ ହେବ। ଶେଷ ମ୍ୟାଚ୍ ଜୁଲାଇ ୯ ତାରିଖରେ ଖେଳାଯିବ। ତା’ପରେ ବହୁ-ଦିବସୀୟ ସିରିଜ୍ ଜୁଲାଇ ୧୩ ତାରିଖରେ ଆରମ୍ଭ ହେବ। ତା’ପରେ ଦ୍ୱିତୀୟ ବହୁ-ଦିବସୀୟ ମ୍ୟାଚ୍ ଜୁଲାଇ ୨୦ ତାରିଖରେ ଆରମ୍ଭ ହେବ। ଦିନିକିଆ ମ୍ୟାଚ୍ ହମ୍ବନଟୋଟାରେ ଖେଳାଯିବ, ବହୁ-ଦିବସୀୟ ସିରିଜ୍ ର ପ୍ରଥମ ମ୍ୟାଚ୍ ଗାଲେରେ ଏବଂ ଦ୍ୱିତୀୟ ମ୍ୟାଚ୍ କଲମ୍ବୋରେ ଅନୁଷ୍ଠିତ ହେବ।
ଯଶୱର୍ଦ୍ଧନ ସିଂହ ଚୌହାନଙ୍କୁ ଉଭୟ ସିରିଜ୍ ପାଇଁ ଅଧିନାୟକ ନିଯୁକ୍ତ କରାଯାଇଛି। ଉପ-ଅଧିନାୟକ ଭାବେ ଲକ୍ଷ୍ମୀ ରାୟଚନ୍ଦାନୀଙ୍କୁ ନିଯୁକ୍ତ କରାଯାଇଛି। ଓଡିଆଇ ଦଳରେ ରଜତ ବଘେଲ ଏବଂ ଅନଭୟ ଦ୍ରାବିଡ ୱିକେଟ୍ କିପର ଭାବରେ ମନୋନୀତ ହୋଇଛନ୍ତି। ବହୁ ଦିନିଆ ମ୍ୟାଚ୍ ପାଇଁ ମାନବ କୃଷ୍ଣା ଏବଂ ଆର୍ଯ୍ୟ ସନ୍ଦେଶ ସକପାଲ ୱିକେଟ୍ କିପର ଭାବରେ ମନୋନୀତ ହୋଇଛନ୍ତି।
ODI ସିରିଜ୍ ପାଇଁ ଭାରତର ଅଣ୍ଡର -୧୯ ଦଳ:
ସାଗର ବିର୍କ, ଲକ୍ଷ୍ମୀ ରାୟଚନ୍ଦାନୀ (ଉପ-ଅଧିନାୟକ), ଯଶବର୍ଦ୍ଧନ ସିଂ ଚୌହାନ (ଅଧିନାୟକ), ବିନୀତ ବି.କେ, ଅର୍ଜୁନ ରାଜପୁତ, କୁଶାଗ୍ର ଓଝା, ରଜତ ବଘେଲ (ୱିକେଟ୍ କିପର), ଅନଭୟ ଦ୍ରାବିଡ (ୱିକେଟ୍ କିପର), ଅନମୋଲଜିତ ସିଂ, ବୁଟକୁରୀ ଯଶବୀର ଗୌଡ, ରୋହିତ ଅନୀଲ ଯାଦବ, ଶାବିନ ବି, କାବ୍ୟା ପରେଶ ପଟେଲ, ମୋହିତ ଉଲବା, ଇଶାନ୍ ସୂଦ।
ବହୁ ଦିନିଆ ସିରିଜ୍ ପାଇଁ ଭାରତର ଅଣ୍ଡର -୧୯ ଦଳ:
ସାଗର ବିର୍କ, ଲକ୍ଷ୍ମୀ ରାୟଚନ୍ଦାନୀ (ଉପ-ଅଧିନାୟକ), ଯଶବର୍ଦ୍ଧନ ସିଂ ଚୌହାନ (ଅଧିନାୟକ), ପଟେଲ କୁଶ, ମନଲ ଚୌହାନ, କୁଶାଗ୍ର ଓଝା, ମାନବ କୃଷ୍ଣା (ୱିକେଟ୍ କିପର), ଆର୍ଯ୍ୟନ ସନ୍ଦେଶ ସକପାଲ (ୱିକେଟ୍ କିପର), ହେମଚୁଦେସନ ଜେ, ବି.କେ କିଶୋର, ରୋହିତ ଅନୀଲ ଯାଦବ, କାବ୍ୟା ପରେଶ ପଟେଲ, ପ୍ରିୟାଁଶୁ ସିଂ, ପ୍ରଣବ ରାଘବେନ୍ଦ୍ର, ଚିଗୁରୁପତି ଭେଙ୍କଟ।
ଭାରତ ବନାମ ଶ୍ରୀଲଙ୍କା ODI ସିରିଜ୍ ସୂଚୀ (ଅଣ୍ଡର -୧୯)
ପ୍ରଥମ ODI – ଜୁଲାଇ ୪, ହମ୍ବନଟୋଟା
ଦ୍ୱିତୀୟ ODI – ଜୁଲାଇ ୬, ହମ୍ବନଟୋଟା
ତୃତୀୟ ODI – ଜୁଲାଇ ୯, ହମ୍ବନଟୋଟା
ଭାରତ ବନାମ ଶ୍ରୀଲଙ୍କା ମଲ୍ଟି ଡେ ମ୍ୟାଚ୍ ସିରିଜ୍ କାର୍ଯ୍ୟସୂଚୀ (ଅଣ୍ଡର -୧୯)
ପ୍ରଥମ ମ୍ୟାଚ୍ – ଜୁଲାଇ ୧୩ ରୁ ୧୬, ଗଲେ
ଦ୍ୱିତୀୟ ମ୍ୟାଚ୍ – ଜୁଲାଇ ୨୦ ରୁ ୨୩, କଲମ୍ବୋ।