ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ନୀଳକଣ୍ଠ ନଗର, ବ୍ରିଟ୍ କଲୋନୀସ୍ଥିତ ବିବେକାନନ୍ଦ କେନ୍ଦ୍ର କନ୍ୟାକୁମାରୀ, ବ୍ରହ୍ମପୁର ଶାଖା କାର୍ଯ୍ୟାଳୟରେ ଆଜି “ଆନ୍ତର୍ଜାତୀୟ ଯୋଗ ଦିବସ–୨୦୨୬” ଉପଲକ୍ଷେ ଏକ ଗୁରୁତ୍ୱପୂର୍ଣ୍ଣ ପ୍ରାକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।
ଏହି ବୈଠକରେ ଆୟୋଜକ କମିଟିର ଅଧ୍ୟକ୍ଷ ସୁଶାନ୍ତ କୁମାର ସାବତ, ସଂଯୋଜକ ଡ଼ାକ୍ତର ସମରେନ୍ଦ୍ର କୁମାର ସାହୁ, ସହ-ସଂଯୋଜକ ଡ଼ାକ୍ତର ଶଙ୍କର ମାଝୀ, ବିଭାଗ ସଂଗଠିକା ନୀଲାକ୍ଷୀ ଦିଦି, ବିବେକାନନ୍ଦ କେନ୍ଦ୍ରର ନଗର ପ୍ରମୁଖ କେଦାରନାଥ ପଣ୍ଡା, ଦେବବ୍ରତ ଦେବଙ୍କ ସମେତ ବହୁ କାର୍ଯ୍ୟକର୍ତ୍ତା ଉପସ୍ଥିତ ରହି ଆସନ୍ତା ଜୁନ୍ ୨୧ ତାରିଖ ୨୦୨୬ ତାରିଖ (ରବିବାର ଦିନ) ସ୍ଥାନୀୟ ମହାତ୍ମା ଗାନ୍ଧୀ କ୍ରୀଡ଼ାଙ୍ଗନ, ବ୍ରହ୍ମପୁର ଠାରେ ପ୍ରାତଃ ୬ ଘଣ୍ଟାରୁ ୮ ଘଣ୍ଟା ପର୍ଯ୍ୟନ୍ତ “ଆନ୍ତର୍ଜାତୀୟ ଯୋଗ ଦିବସ–୨୦୨୬” କୁ ଏକ ଭବ୍ୟ, ସୁସଂଗଠିତ ଓ ଐତିହାସିକ ସମାରୋହ ମାଧ୍ୟମରେ ପାଳନ କରିବାକୁ ସର୍ବସମ୍ମତିକ୍ରମେ ନିଷ୍ପତ୍ତି ହୋଇଛି।
ବୈଠକରେ ସୂଚନା ଅନୁଯାୟୀ, ଏହି ମହାନ କାର୍ଯ୍ୟକ୍ରମର ସଫଳ ଆୟୋଜନ ପାଇଁ ବ୍ରହ୍ମପୁର ପୌର ନିଗମ ପକ୍ଷରୁ ସହଯୋଗ ପ୍ରଦାନ ମିଳିବା ସହ କାର୍ଯ୍ୟକ୍ରମରେ ସକ୍ରିୟ ଭାଗୀଦାର ହେବା ପାଇଁ ସହମତି ପ୍ରକାଶ ପାଇଛି।