ଭୁବନେଶ୍ଵର: ଶିମିଳିପାଳ ବ୍ୟାଘ୍ର ଅଭୟାରଣ୍ୟରେ ବାଘୁଣୀ ଜିନତ ତା’ର ଶାବକମାନଙ୍କ ସହ ଜଙ୍ଗଲରେ ଘୁରି ବୁଲୁଥିବାର ଦୃଶ୍ୟ କ୍ୟାମେରାରେ କଏଦ ହୋଇଛି। ଦୁଇମାସରୁ କମ୍ ବୟସର ଏହି ନବଜାତ ବ୍ୟାଘ୍ର ଶାବକମାନେ ମାଆ ଜିନତ୍ ପଛେ ପଛେ ଅଭୟାରଣ୍ୟରେ ଭ୍ରମଣ କରୁଥିବାର ଦୃଶ୍ୟ ବେଶ୍ ରୋଚକ ହୋଇଛି। ଫଟୋଚିତ୍ରଟି ଶିମିଳିପାଳ ଅଭୟାରଣ୍ୟ କର୍ତ୍ତୃପକ୍ଷ ସାମାଜିକ ଗଣମାଧ୍ୟମରେ ସେୟାର କରିଛନ୍ତି। ମହାରାଷ୍ଟ୍ରର ଟାଡୋବା-ଅନ୍ଧାରୀ ବ୍ୟାଘ୍ର ସଂରକ୍ଷଣ ପ୍ରକଳ୍ପରୁ ସ୍ଥାନାନ୍ତରିତ ହୋଇଥିବା ବାଘୁଣୀ ‘ଜିନତ୍’ ଶିମିଳିପାଳର ଅନୁକୂଳ ପରିବେଶରେ ଜୁନ୍ 2 ତାରିଖରେ ଚାରୋଟି ଶାବକଙ୍କୁ ଜନ୍ମ ଦେଇଥିଲା।
Tigress Zeenat moving with her cubs