ଉଦଳା : ଜମିଜମା ବିବାଦର ଭୟଙ୍କର ପରିଣତି! କଟୁରିରେ ବାପା ଓ ସାନ ଭାଇଙ୍କୁ ହାଣିଲା ବଡ଼ ଭାଇ । ମୟୂରଭଞ୍ଜ ଜିଲ୍ଲା ଉଦଳା ଅଞ୍ଚଳର ଖୁଣ୍ଟା ଥାନା ଅଧୀନ ଶିରଥଳି ଗାଁରେ ଘଟିଛି ଏକ ଚାଞ୍ଚଲ୍ୟକର ଘଟଣା। ଜମିଜମା ବିବାଦକୁ କେନ୍ଦ୍ର କରି ବଡ଼ ଭାଇ କଟୁରିରେ ନିଜ ବାପା ଓ ସାନ ଭାଇଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି।
ଏହି ଆକ୍ରମଣରେ ଉଭୟ ଗୁରୁତର ଆହତ ହୋଇଥିବା ବେଳେ ସେମାନଙ୍କୁ ତୁରନ୍ତ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି। ଘଟଣା ପରେ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହୋଇଛି।
ପରିବାର ଭିତରେ ଜମିଜମାକୁ ନେଇ ଦୀର୍ଘଦିନ ଧରି ବିବାଦ ଲାଗି ରହିଥିବାବେଳେ ସେହି ବିବାଦ ଆଜି ହିଂସାର ରୂପ ନେଇଥିବା କୁହାଯାଉଛି। ତେବେ ଘଟଣାର ତଦନ୍ତ ଜାରି ରହିଛି।