ନୂଆଦିଲ୍ଲୀ : ଜୁଲାଇ ୧ରୁ ତେଲ ବିପଣନ କମ୍ପାନିଗୁଡ଼ିକ ୧୯ କିଲୋଗ୍ରାମ ବାଣିଜ୍ୟିକ ଏଲ୍ପିଜି ବା କମର୍ସିଆଲ (LPG) ସିଲିଣ୍ଡରର ଦରରେ ବଡ଼ ହ୍ରାସ ଘୋଷଣା କରିଛନ୍ତି। ଦେଶର ବିଭିନ୍ନ ସହରରେ ପ୍ରତି ସିଲିଣ୍ଡର ଦର ୧୭୪ରୁ ୧୮୩.୫୦ ଟଙ୍କା ପର୍ଯ୍ୟନ୍ତ କମିଥିବାରୁ ରେଷ୍ଟୁରାଣ୍ଟ, ହୋଟେଲ, ଢାବା ଓ ଅନ୍ୟାନ୍ୟ କମର୍ସିଆଲ ବ୍ୟବହାରକାରୀଙ୍କୁ ବଡ଼ ଆଶ୍ୱସ୍ତି ମିଳିଛି।
ତେବେ ସାଧାରଣ ଉପଭୋକ୍ତାଙ୍କ ପାଇଁ କୌଣସି ରାହତ ମିଳିନାହିଁ। ୧୪.୨ କିଲୋଗ୍ରାମ ଘରୋଇ LPG ସିଲିଣ୍ଡରର ଦରରେ କୌଣସି ପରିବର୍ତ୍ତନ କରାଯାଇନଥିବାରୁ ପୂର୍ବବତ୍ ଦର ଜାରି ରହିଛି।
ଦିଲ୍ଲୀରେ ବାଣିଜ୍ୟିକ ସିଲିଣ୍ଡର ଦର ସର୍ବାଧିକ ୧୮୩.୫୦ ଟଙ୍କା କମିଛି। ଲକ୍ଷ୍ନୌ ଓ ପାଟନାରେ ମଧ୍ୟ ସମାନ ହ୍ରାସ ହୋଇଥିବାବେଳେ କୋଲକାତାରେ ୧୭୪ ଟଙ୍କା କମିଛି।
ନୂତନ ଦର ଅନୁଯାୟୀ, ଦିଲ୍ଲୀରେ ୧୯ କିଲୋଗ୍ରାମ କମର୍ସିଆଲ LPG ସିଲିଣ୍ଡରର ମୂଲ୍ୟ ୩,୧୧୩.୫୦ ଟଙ୍କାରୁ କମି ୨,୯୩୦ ଟଙ୍କା ହୋଇଛି। ପାଟନାରେ ୧୪.୨ କିଲୋଗ୍ରାମ ଘରୋଇ ସିଲିଣ୍ଡରର ଦର ୧,୦୩୧.୫୦ ଟଙ୍କାରେ ଅପରିବର୍ତ୍ତିତ ରହିଥିବାବେଳେ ୧୯ କିଲୋଗ୍ରାମ କମର୍ସିଆଲ ସିଲିଣ୍ଡର ଏବେ ୩,୨୨୭ ଟଙ୍କାରେ ଉପଲବ୍ଧ ହେବ।