ଗଞ୍ଜାମ ଜିଲ୍ଲା ପୋଲିସକୁ ଆଜି ଏକ ବଡ ଧରଣର ସପଳତା ମିଳିଛି । ପୋଲିସ ଖଣ୍ଡଦେଉଳି ଓ ପୁରୁଷୋତ୍ତମପୁର ଅଞ୍ଚଳରେ ଚାଲୁଥିବା ଜୁଆ ଆଡ୍ଡାରେ ଚଢାଉ କରିଛି । ପୋଲିସକୁ ପୁରୁଷୋତମପୁର ଓ ଖଣ୍ଡଦେଉଳି ଅଞ୍ଚଳରେ ଜୁଆ ଆଡ୍ଡା ଚାଲିଥିବା ଗୁଇନ୍ଦା ସୂଚନା ମିଳିଥିଲା । ସୂଚନା ଆଧାରରେ ପୋଲିସ ଏଠାରେ ଚଢାଉ କରିଥିଲା । ପୁରୁଷୋତମପୁର ଅଞ୍ଚଳରେ ଚଢାଉ ବେଳେ ମୋଟ 11 ଜଣ ଜୁଆଡି ଗିରଫ ହୋଇଛନ୍ତି । ସେମାନଙ୍କ ଠାରୁ 1 ଲକ୍ଷ 42 ହଜାର ଟଙ୍କା, 6 ଟି ବାଇକ, 14 ଟି ମୋବାଇଲ ଫୋନ ଜବତ ହୋଇଛି । ସେହିପରି ଖଣ୍ଡଦେଉଳି ଅଞ୍ଚଳରୁ ପୋଲିସ 10 ଜଣ ଜୁଆଡିଙ୍କୁ ଗିରଫ କରିବା ସହ 33 ହଜାର 900 ଟଙ୍କା ଜବତ କରିଛି ।
