ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫ୍ରାନ୍ସ ଗସ୍ତରେ ରହିଥିବା ବେଳେ ଧାରା 370 ଉଚ୍ଛେଦ ସପକ୍ଷରେ ମତ ଦେଇଛନ୍ତି ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରନ୍ । ଏହା ଭାରତର ଅନ୍ତରୀଣ ବ୍ୟାପାର ଏବଂ ଅନ୍ୟ କୌଣସି ରାଷ୍ଟ୍ର ଏଥିରେ ହସ୍ତକ୍ଷେପ କରିବା ଅନୁଚିତ ବୋଲି ମାକ୍ରନ୍ କହିଛନ୍ତି । ଏହି ପରିପ୍ରେକ୍ଷୀରେ ଦୁଇ ଦେଶ ବିଭିନ୍ ରାଜନୈତିକ ପ୍ରସଙ୍ଗର ସମୀକ୍ଷା କରିଥିଲେ । ଉଭୟ ନେତା ପ୍ରାୟ 90 ମିନିଟ ଧରି ଆଲୋଚନା କରିଥିବା ଭାରତୀୟ ବୈଦେଶିକ ମନ୍ତ୍ରାଳୟର ପ୍ରବକ୍ତା ରବିଶ କୁମାର କହିଛନ୍ତି । ଜମ୍ମୁ-କାଶ୍ମୀରରେ ଭାରତ ସରକାରଙ୍କ ତରଫରୁ ଧାରା 370 ହଟାଯିବା ପରେ ପାକିସ୍ତାନ ଏହାକୁ ବିରୋଧ କରିଥିଲା । ଏହା ବିରୋଧରେ ପାକିସ୍ତାନ ବିଭିନ୍ନ ଦେଶ ବୁଲି ସାହାଯ୍ୟ ସମର୍ଥନ ମାଗିଥିଲା । କିନ୍ତୁ କେହି ପାକିସ୍ତାନର ସମର୍ଥନରେ ବାହାରି ନଥିଲେ । ଏବେ ପାକିସ୍ତାନକୁ ଆଉ ଏକ ଝଟକା ଲାଗିଛି । ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ କଶ୍ମୀର ପ୍ରସଙ୍ଗରେ ଭାରତକୁ ସମର୍ଥନ କରିଛନ୍ତି । କୌଣସି ବାହ୍ୟ ରାଷ୍ଟ୍ର ଏହି ପ୍ରସଙ୍ଗରେ ଦଖଲ ଦେବା ଅନୁଚିତ ବୋଲି ସେ କହିଛନ୍ତି ।
