ଭାରତ ଏବଂ ଓ୍ବିଣ୍ଡିଜ୍ ମଧ୍ୟରେ ଅନୁଷ୍ଠିତ ପ୍ରଥମ ଟେଷ୍ଟରେ ଭାରତ ପ୍ରଥମ ଦିନରେ ଭାରତ 6 ଓ୍ବିକେଟ୍ ହରାଇ 203 ରନ୍ ସଂଗ୍ରହ କରିଛି । ଆଣ୍ଟିଗୁଆର ସାର୍ ଭିଭିଆନ୍ ରିଚାର୍ଡସ ଷ୍ଟାଡିୟମ୍ରେ ଅନୁଷ୍ଠିତ ଏହି ମ୍ୟାଚ୍ରେ ଟସ୍ ଜିତି ଓ୍ବିଣ୍ଡିଜ୍ ପ୍ରଥମେ ବୋଲିଂର ନିଷ୍ପତ୍ତି ନେଇଥିଲା । ଭାରତ ପକ୍ଷରୁ ଆଜିଙ୍କ୍ୟ ରାହାଣେ 81 ରନ୍ ସଂଗ୍ରହ କରିଥିଲେ । ଭାରତ ଓ୍ବିଣ୍ଡିଜ୍ ପକ୍ଷରୁ ରୋଚ୍ ପ୍ରଥମ ଦୁଇ ଓ୍ବିକେଟ୍ ହାସଲ କରିବାରୁ ଭାରତ 7 ରନ୍ରେ ଦୁଇଟି ଓ୍ବିକେଟ୍ ହରାଇଥିଲା । ଭାରତ ପକ୍ଷରୁ ମୟଙ୍କ ଅଗ୍ରଓ୍ବାଲ (5) ଏବଂ ଚେତେଶ୍ବର ପୂଜାରା(2) 4ଟି ବଲ ବ୍ୟବଧାନରେ ଆଉଟ୍ ହୋଇ ଭାରତକୁ ସଙ୍କଟକୁ ଠେଲି ଦେଇଥିଲେ । ଏହାପରେ ବିରାଟ କୋହଲି(9) ମଧ୍ୟ ବିଫଳ ହୋଇଥିଲେ । 25ରନ୍ରେ ତିନୋଟି ଓ୍ବିକେଟ୍ ହରାଇବା ପରେ ଲୋକେଶ ରାହୁଲ୍(44) ଏବଂ ରାହାଣେ 68 ରନ୍ର ଭାଗିଦାରୀ କରିଥିଲେ । ଏହାପରେ ହନୁମା ବିହାରୀ (32)ଙ୍କ ସହିତ ରାହାଣେ 82 ରନ୍ର ଭାଗିଦାରୀ କରି ଦଳକୁ ସଙ୍ଟରୁ ଉଦ୍ଧାର କରିଥିଲେ । ଭାରତ ପକ୍ଷରୁ ଖେଳ ଶେଷ ବେଳକୁ ଋଷଭ ପନ୍ତ(21) ଏବଂ ଜାଡେଜା (3) କ୍ରିଜ୍ରେ ମହଜୁଦ ଥିଲେ । ଓ୍ବିଣ୍ଡିଜ୍ ପକ୍ଷରୁ କେମାର୍ ରୋଚ୍ 3ଟି ଓ୍ବିକେଟ୍ ଅକ୍ତିଆର କରିଥିବା ବେଳେ ସାନନ୍ ଗାବ୍ରିଏଲ୍ 2ଟି ଓ୍ବିକେଟ୍ ଅକ୍ତିଆର କରିଥିଲେ । ରୋଷ୍ଟନ ଚେସ୍ ଅନ୍ୟ ଓ୍ବିକେଟ୍ଟି ଅକ୍ତିଆର କରିଥିଲେ ।
