ଭୁବନେଶ୍ୱର: ଓଡ଼ିଶାରେ ବୈଦ୍ୟୁତିକ ଯାନ ବ୍ୟବହାରକୁ ଅଧିକ ପ୍ରୋତ୍ସାହନ ଦେବା ଲକ୍ଷ୍ୟରେ EV ଚାର୍ଜିଂ ଭିତ୍ତିଭୂମିକୁ ଦ୍ରୁତ ଗତିରେ ସୁଦୃଢ଼ କରାଯାଉଛି। ବାଣିଜ୍ୟ ଓ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା କହିଛନ୍ତି ଯେ, ଓଡ଼ିଶାରେ ବର୍ତ୍ତମାନ ୧୦୦ଟି ଇଭି ଚାର୍ଜିଂ ଷ୍ଟେସନ କାର୍ଯ୍ୟକ୍ଷମ ରହିଛି। ରାଜ୍ୟରେ ଆଉ ୫୦୦ଟି EV ଚାର୍ଜିଂ ଷ୍ଟେସନ ସ୍ଥାପନ କରିବାକୁ ଲକ୍ଷ୍ୟ ରଖାଯାଇଛି।
ଏହି ଷ୍ଟେସନଗୁଡ଼ିକ ଜନଗହଳିପୂର୍ଣ୍ଣ ସ୍ଥାନ, ରାଜ୍ୟ ରାଜପଥ ଓ ଜାତୀୟ ରାଜପଥ କଡ଼ରେ ସ୍ଥାପନ କରାଯିବ। PM E-Drive ଯୋଜନା ଅଧୀନରେ କେନ୍ଦ୍ର ସରକାରଙ୍କ ପ୍ରୋତ୍ସାହନ ଯୋଗୁଁ ଓଡ଼ିଶାରେ ଇଭି କ୍ଷେତ୍ରରେ ଦ୍ରୁତ ପରିବର୍ତ୍ତନ ଆସୁଛି ଏବଂ ଚାର୍ଜିଂ ନେଟୱର୍କ ବିସ୍ତାର ହେଲେ ଇଭି ପ୍ରତି ଲୋକଙ୍କ ଆଗ୍ରହ ଆହୁରି ବଢ଼ିବ ବୋଲି ମନ୍ତ୍ରୀ ଶ୍ରୀ ଜେନା କହିଛନ୍ତି।