ଭଦ୍ରକ: ବନ୍ୟା ପରିସ୍ଥିତିକୁ ନଜରରେ ରଖି ଭଦ୍ରକ ଜିଲ୍ଲାର ପ୍ରଭାବିତ ଅଞ୍ଚଳରେ ଆସନ୍ତାକାଲି ସ୍କୁଲ ଛୁଟି ଘୋଷଣା କରାଯାଇଛି। ଜିଲ୍ଲାପାଳଙ୍କ ନିର୍ଦ୍ଦେଶରେ ୬ଟି ବ୍ଲକର ମୋଟ ୨୬୮ଟି ସ୍କୁଲ ବନ୍ଦ ରହିବ।
ବନ୍ତ ବ୍ଲକକୁ ବାଦ୍ ଦେଲେ ଅନ୍ୟ ୬ଟି ବ୍ଲକରେ ଥିବା ସମସ୍ତ ଚିହ୍ନିତ ସ୍କୁଲରେ ପାଠପଢ଼ା ବନ୍ଦ ରହିବ। ବନ୍ୟା ପାଣି ଓ ଯାତାୟାତ ସମସ୍ୟା ଯୋଗୁଁ ଛାତ୍ରଛାତ୍ରୀଙ୍କ ସୁରକ୍ଷାକୁ ଗୁରୁତ୍ୱ ଦେଇ ପ୍ରଶାସନ ଏହି ନିଷ୍ପତ୍ତି ନେଇଛି।
ସେହିପରି ବନ୍ୟା ପ୍ରଭାବିତ ଅଞ୍ଚଳରେ ୫୬୭ଟି ଅଙ୍ଗନବାଡ଼ି କେନ୍ଦ୍ର ମଧ୍ୟ ବନ୍ଦ ରହିବ। ବନ୍ୟା ସ୍ଥିତିରେ ନଜର ରଖିବା ସହ ଆବଶ୍ୟକତା ଅନୁଯାୟୀ ଉଦ୍ଧାର ଓ ରିଲିଫ୍ ବ୍ୟବସ୍ଥାକୁ ମଧ୍ୟ ଜୋରଦାର କରାଯାଉଛି।