ଭୁବନେଶ୍ୱର: ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀଙ୍କ ହତ୍ୟାକାଣ୍ଡ ତଦନ୍ତ ରିପୋର୍ଟକୁ ବିଜେଡିର ପୂର୍ବତନ ସରକାର ଜାଣିଶୁଣି ହଜାଇ ଦେଇଥିବା ନେଇ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ସିଧାସଳଖ ଅଭିଯୋଗ ଆଣିଛନ୍ତି। ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ କହିଛନ୍ତି ଯେ, ପୂର୍ବତନ ବିଜେଡି ସରକାର ସ୍ୱାମୀଜୀଙ୍କ ହତ୍ୟାକାଣ୍ଡ ସମ୍ବନ୍ଧୀୟ କମିଶନ ରିପୋର୍ଟକୁ ଜାଣିଶୁଣି ଗାୟବ କରିଦେଇଛନ୍ତି। ବର୍ତ୍ତମାନ ସରକାର ଏହି ଘଟଣାକୁ ଅତ୍ୟନ୍ତ ଗୁରୁତ୍ୱର ସହ ନେଇ ତଦନ୍ତ ପ୍ରକ୍ରିୟା ଆରମ୍ଭ କରିଛନ୍ତି। ହଜିଯାଇଥିବା ରିପୋର୍ଟ ଖୁବ୍ଶୀଘ୍ର ମିଳିବ ଏବଂ ଏହା ପଛରେ ଥିବା ପ୍ରକୃତ ଦୋଷୀଙ୍କୁ କଠୋର ଦଣ୍ଡ ଦିଆଯିବ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି। ଏହାସହିତ, କିଏ ଓ କେଉଁ ଉଦ୍ଦେଶ୍ୟରେ ଏହି ତଦନ୍ତ ରିପୋର୍ଟକୁ ଚାପି ରଖିବାକୁ ଚେଷ୍ଟା କରୁଥିଲେ, ତାହା ରିପୋର୍ଟ ହସ୍ତଗତ ହେବା ପରେ ସ୍ପଷ୍ଟ ହୋଇଯିବ। ଅନ୍ୟପଟେ ମୁଖ୍ୟମନ୍ତ୍ରୀ ମଧ୍ୟ ଏହି ହତ୍ୟାକାଣ୍ଡ ପଛରେ କୌଣସି ବଡ଼ ଷଡ଼ଯନ୍ତ୍ର ଥାଇପାରେ ବୋଲି ପ୍ରକାଶ କରିଛନ୍ତି।
