ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତ୍ରିରାଷ୍ଟ୍ରୀୟ ବିଦେଶ ଗସ୍ତ ସାରି ଗତକାଲି ଭାରତ ପ୍ରତ୍ୟାବର୍ତ୍ତନ କରିଛନ୍ତି । ଭାରତ ଫେରିବା ପରେ ଅନ୍ତରଙ୍ଗ ବନ୍ଧୁ ତଥା ପୂର୍ବତନ କେନ୍ଦ୍ର ଅର୍ଥମନ୍ତ୍ରୀ ଦିବଙ୍ଗତ ଅରୁଣ ଜେଟଲୀଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ କୈଳାଶ କଲୋନୀ ସ୍ଥିତ ତାଙ୍କର ବାସଭବନରେ ପହଞ୍ଚିଛନ୍ତି । ମୋଦି ଅରୁଣଙ୍କ ପରିବାରଙ୍କ ସାକ୍ଷାତ କରି ସାନ୍ତ୍ବନା ଦେଇଛନ୍ତି । ଦୀର୍ଘ ଦିନ ଧରି ଅସୁସ୍ଥ ଥିବା ଅରୁଣ ଜେଟ୍ଲୀ ଗତ ଅଗଷ୍ଟ ୨୩ରେ ପରଲୋକ ଗମନ କରିଛନ୍ତି । ଏହି ସମୟରେ ମୋଦୀ ବିଦେଶ ଗସ୍ତରେ ଥିଲେ । ସେ ବିଦେଶରୁ ଫୋନ ଯୋଗେ ଜେଟଲୀଙ୍କ ପତ୍ନୀ ସଙ୍ଗୀତାଙ୍କୁ ସମବେଦନା ଜଣାଇଥିଲେ ଓ ତାଙ୍କ ପୁଅ ରୋହନକୁ ସାନ୍ତ୍ୱନା ଦେଇଥିଲେ । ସ୍ବରାଷ୍ଟ୍ର ମନ୍ତ୍ରୀ ଅମିତ୍ ଶାହା ମଧ୍ୟ ଜେଟ୍ଲୀଙ୍କ ଘରେ ଉପସ୍ଥିତ ରହିଥିଲେ ।
Prime Minister Narendra Modi consoles family members of the former Union Minister Arun Jaitley, at his residence, in New Delhi on Tuesday. UNI PHOTO-26U