ସମୀକ୍ଷା ବ୍ୟୁରୋ
ଗୋଟିଏ ବାଇକର ଦାମ ହେଉଛି 5 ଲକ୍ଷ 47 ହଜାର ଶହେ 50 ଟଙ୍କା। ଆଶ୍ଚର୍ଯ୍ୟ ହେବାର କିଛି ନାହିଁ। କାରଣ ଏପରି ବାଇକ ବଜାରରେ ଉପଲବ୍ଧ ହେଉଛି। ହେଲେ ଆଶ୍ଚର୍ଯ୍ୟର କଥା ହେଉଛି ଭାରତ ବଜାରରେ ଏହି ଗାଡି ମାତ୍ର 3 ଶହଟି ବିକ୍ରି କରିବାକୁ କମ୍ପାନୀ ନିଷ୍ପତି ନେଇଛି। ପୂର୍ବରୁ ଏପରି ଦାମିକା ଗାଡି ଅଛି ହେଲେ ତାହାର ପରିମାଣ ସୀମିତ ନ ଥିଲା। ହେଲେ ଏହି କଂପାନୀ ମାତ୍ର 3ଶହଟି ଗାଡି ଭାରତ ବଜାରକୁ ଦେବ ବୋଲି କହିଛି। ଆଉ ସେ କଂପାନୀ ହେଉଛି #HarleyDavidson। ଦାମିକା ବାଇକ ନିର୍ମାଣ କରିବାରେ ଖ୍ୟାତ ଏହି କଂପାନୀ ଭାରତ ବଜାରରେ #Street750 ମଡେଲର ଏକ ଗାଡି ଆଜି ବଜାର ପ୍ରବେଶ କରିଛି। ଭାରତରେ Harley-Davidson ତାହାର ବଜାର ପ୍ରବେଶର 10 ବର୍ଷ ପୂର୍ତ୍ତି ଉପଲକ୍ଷେ ଏହି ସ୍ବତନ୍ତ୍ର ମଡେଲ ଗାଡି ନିର୍ମାଣ କରିଛି। ଯାହାର ଦାମ ଏପରି ରଖାଯିବା ସହ ଏହାର ବିକ୍ରି ମାତ୍ର 3ଶହ ଭିତରେ ସୀମିତ ରଖିଛି। ଏହି ସ୍ବତନ୍ତ୍ର ମଡେଲ ଗାଡିଟି କଂପାନୀର ଅନ୍ୟାନ୍ୟ ସାଧାରଣ ବର୍ଗରୁ ମାତ୍ର 13 ହଜାର ଟଙ୍କା ଅଧିକ ରହିଛି। ଏହି ଗାଡିଟି BS6 ସାର୍ଟିଫାଇଡ ବାଇକ। ଏହି ଭାରତୀୟ ପାଣିପାଗକୁ ନଜରରେ ରଖି ସ୍ବତନ୍ତ୍ର ଭାବେ ନିର୍ମାଣ କରାଯାଇଛି ବୋଲି କଂପାନୀ ତରଫରୁ କୁହାଯାଇଛି। ଏହି ମୂଲ୍ୟବାନ ଗାଡିଟି ଭାରତୀୟ ବଜାରରେ ଖୁବ ଶିଘ୍ର ବିକ୍ରୀ ହୋଇଯିବ ବୋଲି କଂପାନୀ ଆଶା ରଖିଛି।