ଜମ୍ମୁ-କାଶ୍ମୀରରୁ ଧାରା ୩୭୦ ଉଚ୍ଛେଦ ପ୍ରସଙ୍ଗରେ ଆଜି ସୁପ୍ରିମକୋର୍ଟରେ ଶୁଣାଣି ହୋଇଛି । ଜମ୍ମୁକାଶ୍ମୀରର ସ୍ବତନ୍ତ୍ର ଅଧିକାର ଉଚ୍ଛେଦ ନେଇ ସମ୍ବିଧାନ ସଂଶୋଧନ ଉପରେ ସୁପ୍ରିମ୍କୋର୍ଟ ଶୁଣାଣି କରି ନୋଟିସ୍ ଜାରି କରିଛି। ପାଞ୍ଚଜଣିଆ ସମ୍ବିଧାନ ଖଣ୍ଡପୀଠକୁ ଏହି ମାମଲା ଦିଆଯାଇଛି । କୋର୍ଟ ଏହି ମାମଲାରେ କେନ୍ଦ୍ର ସରକାରଙ୍କୁ ନୋଟିସ ପଠାଇଛନ୍ତି । କେନ୍ଦ୍ର ସରକାରଙ୍କୁ ୭ ଦିନ ମଧ୍ୟରେ ଏହାର ଜବାବ ରଖିବାକୁ ହେବ । ଏହାସହ କୋର୍ଟ ଧାରା ୩୭୦କୁ ନେଇ ଦାଏର ହୋଇଥିବା ସମସ୍ତ ଯାଚିକାର ଶୁଣାଣି ଅକ୍ଟୋବର ପ୍ରଥମ ସପ୍ତାହରେ ହେବ ବୋଲି କହିଛନ୍ତି । ସୁପ୍ରିମକୋର୍ଟରେ ଧାରା ୩୭୦ ଉଚ୍ଛେଦକୁ ନେଇ ୧୦ଟି ଯାଚିକା ଦାୟର କରାଯାଇଥିଲା । ଏହା ଉପରେ କୋର୍ଟ ଶୁଣାଣି କରିଥିଲେ । ଆଜି ଏହି ସମସ୍ତ ଯାଚିକାର ଶୁଣାଣି ହୋଇଥିଲା । କିନ୍ତୁ ପ୍ରଧାନ ବିଚାରପତି ଜଷ୍ଟିସ ରଂଜନ ଗୋଗୋଇଙ୍କ ଅଧ୍ୟକ୍ଷତାରେ ଗଠିତ ପାଞ୍ଚଜଣିଆ ଖଣ୍ଡପୀଠ ଏହି ଯାଚିକାଗୁଡିକୁ ଅକ୍ଟୋବରରେ ଶୁଣାଣି କରିବେ ବୋଲି କହିଛନ୍ତି । ସୀତାରାମ ୟେଚୁରୀଙ୍କୁ ଜମ୍ମୁକାଶ୍ମୀରକୁ ସର୍ତ୍ତମୂଳକ ଅନୁମତି ପ୍ରଦାନ କରିଥିବାବେଳେ ଗଣମାଧ୍ୟମର ସ୍ବାଧୀନତା ପ୍ରସଙ୍ଗରେ କେନ୍ଦ୍ରକୁ ନୋଟିସ୍ ଜାରି କରିଛନ୍ତି ସର୍ବୋଚ୍ଚ ଅଦାଲତ
