ଜାତୀୟ ତଦନ୍ତକାରୀ ସଂସ୍ଥା (ଏନ୍ଆଇଏ) ପକ୍ଷରୁ କୋଏମ୍ବାଟୋରର 5ଟି ସ୍ଥାନରେ ଚଢାଉ କରାଯାଇଛି । ଆଇଏସ୍ ଲିଙ୍କ ସନ୍ଦେହରେ ଏହି ଚଢାଉ କରାଯାଇଛି । କୋଚିର ଏନ୍ଆଇଏ କାର୍ଯ୍ୟାଳୟ ପକ୍ଷରୁ ସକାଳ 5ଟାରୁ ଆରମ୍ଭ କରାଯାଇଥିବା ଏହି ଚଢାଉରେ ଜିଏମ୍ ନଗର ଏବଂ ଭିନସେଣ୍ଟ ରୋଡ୍ର ଦୁଇଟି ଘର ରହିଥିବା ବେଳେ ବିଲାଲ ଇଷ୍ଟେଟ୍ର ଗୋଟିଏ ଘର ରହିଥିବା ଜଣାପଡିଛି । ଏହି ଚଢାଉରେ କାହାରିକୁ ଗିରଫ କରାଯାଇନଥିବା ବେଳେ ଘରର ମାଲିକଙ୍କୁ ପଚରା ଉଚୁରା ପାଇଁ କୋଚି ଡକାଯାଇଛି । ଉଲ୍ଲେଖଯୋଗ୍ୟ ଯେ, ମେ ମାସରେ ଏନ୍ଆଇଏ ପକ୍ଷରୁ ଚଢାଉରେ ଆଇଏସ୍ ଲିଙ୍କର ମୁଖ୍ୟ ମହମ୍ମଦ ଆଝାରୁଦ୍ଦିନ, ଜହରାନ୍ ହାସ୍ମୀ ଏବଂ ଓ୍ବାଇ ସେକ୍ ହିଦାୟଥଉଲ୍ଲାଙ୍କୁ ଗିରଫ କରାଯାଇଥିଲା ।
