ବାଣପୁର: ପିଏମ୍ ଭେଟିନାଥଦେବ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ, ଭେଟେଶ୍ବରର ଏକାଦଶ ଓ
ଦ୍ବାଦଶ ଶ୍ରେଣୀର ଛାତ୍ରଛାତ୍ରୀମାନଙ୍କ ଦ୍ବାରା ଭେଟେଶ୍ବର ଗ୍ରାମରେ ‘ସେବା ସଂକଳ୍ପ ଅଭିଯାନ’ ଆୟୋଜିତ ହୋଇଯାଇଛି। ଉକ୍ତ ଅଭିଯାନରେ “ଆମେ ବଦଳିଲେ ଦେଶ ବଦଳିବ” ଶୀର୍ଷକ ପଥପ୍ରାନ୍ତ ନାଟକ ମାଧ୍ୟମରେ ଛାତ୍ରଛାତ୍ରୀମାନେ ସେବା, ସହଯୋଗ, ସ୍ବଚ୍ଛତା ଓ ସାମାଜିକ ଦାୟିତ୍ବର ବାର୍ତ୍ତା ପ୍ରଦାନ କରିଥିଲେ।
ବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ଗଜେନ୍ଦ୍ର ପ୍ରସାଦ ଜେନା, ପୂର୍ବତନ ଛାତ୍ର ସଂଘର ସଭାପତି ଶଶୀକାନ୍ତ ସୁବୁଦ୍ଧି, ବିଦ୍ୟାଳୟ ପରିଚାଳନା କମିଟି (SMC) ର ସଭାପତି ସତ୍ୟନାରାୟଣ ରଣାଙ୍କ ସମେତ ବିଦ୍ୟାଳୟର ଶିକ୍ଷକ ସୋମନାଥ ମହାରଣା, ସୁଧାଂଶୁ ଶେଖର ପ୍ରଧାନ, ଚନ୍ଦନ ପ୍ରଧାନ, ଅବିନାଶ ଜେନା, ବିଶ୍ବମ୍ଭର ପ୍ରଧାନ, ନାରାୟଣ ବେହେରା, ଶିକ୍ଷୟିତ୍ରୀ ପୁଷ୍ପଲତା ଜେନା, କଲ୍ୟାଣୀ ଷଡଙ୍ଗୀ ଓ ଛାତ୍ରଛାତ୍ରୀମାନଙ୍କ ସହ ୨୦୦ ରୁ ଉର୍ଦ୍ଧ୍ୱ ଗ୍ରାମବାସୀ ଉପସ୍ଥିତ ରହି ଅଭିଯାନକୁ ସଫଳ କରିଥିଲେ।
ଉକ୍ତ ପଥପ୍ରାନ୍ତ ନାଟକଟିକୁ ପ୍ରସନ୍ନ କୁମାର ମିଶ୍ର ରଚନା ସାଙ୍ଗକୁ ନିର୍ଦ୍ଦେଶନା ଦେଇଥିବା ବେଳେ ଛାତ୍ର ପବିତ୍ର ସବର, ଲିପନ ଦାସ, ସୁଦର୍ଶନ ଜେନା, ସୂର୍ଯ୍ୟକାନ୍ଧ ଜାନି, ଓ ଛାତ୍ରୀ ଶୁଭଶ୍ରୀ ପ୍ରଧାନ, ରାଜଶ୍ରୀ ସାମନ୍ତରାୟ, ସ୍ବର୍ଣ୍ଣଲତା ପ୍ରଧାନ, ରୂପାଲି ପଟ୍ଟନାୟକ, ବର୍ଷା ବେହେରା, ଶ୍ରୀଜା ସଞ୍ଚିତା ରଥ ଅଭିନୟ କରିଥିଲେ।ଉପସ୍ଥିତ ଅତିଥିମାନେ ଛାତ୍ରଛାତ୍ରୀଙ୍କ ଏହି ସେବାମୂଳକ ପଦକ୍ଷେପକୁ ପ୍ରଶଂସା କରିବା ସହିତ ସମାଜ ପ୍ରତି ଦାୟିତ୍ବବୋଧ, ମାନବିକତା ଓ ସେବା ମନୋଭାବକୁ ଜୀବନର ଅଂଶ କରିବା ପାଇଁ ଆହ୍ୱାନ ଦେଇଥିଲେ।