ଋଷିଆରେ ସମ୍ପନ୍ନ ହୋଇଥିବା ବିଶ୍ବ ଦକ୍ଷତା ପ୍ରତିୁଯୋଗିତାରେ ଭାରତ 4 ପଦକ ହାସଲ କରିଥିବା ବେଳେ ଦଳ ପକ୍ଷରୁ ଏକମାତ୍ର ସ୍ବର୍ଣ୍ଣ ପଦକ ଜିତିଥିଲେ ଓଡିଆ ଯୁବକ ଏସ୍ ଅଶ୍ବତ୍ଥ ନାରାୟଣ । ସ୍ବର୍ଣ୍ଣ ପଦକ ହାସଲ କରିଥିବା ନାରାୟଣ ଆଜି ଓଡିଶା ପ୍ରତ୍ୟାବର୍ତ୍ତନ କରିଥିବା ବେଳେ ତାଙ୍କୁ ବିପୁଳ ସମ୍ବର୍ଦ୍ଧନା ପ୍ରଦାନ କରାଯାଇଛି । ଭାରତ ସମେତ ସମୁଦାୟ 63 ଟି ରାଷ୍ଟ୍ର ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ନାରାୟଣ ଜଳ ଉପରେ ବୈଷୟିକ କୌଶଳ ବିଭାଗରେ ସ୍ବର୍ଣ୍ଣ ପଦକ ହାସଲ କରିଥିଲେ । ଅନ୍ୟାନ୍ୟ ଭାରତୀୟ ପ୍ରତିଯୋଗୀଙ୍କ ମଧ୍ୟରେ ପ୍ରଣବ ନୂତାଲପଟି ଓ୍ବେବ୍ ଡିଜାଇନିଂରେ ରୌପ୍ୟ ପଦକ, ସଞ୍ଜୋୟ ପରମାଣିକ ଗହଣା ଡିଜାଇନିଂରେ ବ୍ରୋଞ୍ଜ ଏବଂ ଶ୍ବେତା ରତ୍ନପୁରା ଗ୍ରାଫିକ୍ ଡିଜାଇନିଂ ବର୍ଗରେ ବ୍ରୋଞ୍ଜ ପଦକ ହାସଲ କରିଥିଲେ ।
Tags:
