ଉତ୍ତର ପ୍ରଦେଶର ସମାଜବାଦୀ ଦଳ ସାଂସଦ ଆଜମ୍ ଖାନ୍ଙ୍କ ବିରୋଧରେ ଆଉ ଏକ ଅଭିଯୋଗ ଆସିଛି। ଏକ ମଇଁଷି ଏବଂ ୨୫ ହଜାର ଟଙ୍କା ଚୋରି ଅଭିଯୋଗରେ ଆଜମ୍ ଖାନ୍ଙ୍କ ବିରୋଧରେ ଅଭିଯୋଗ ଆସିଛି। ଆସିଫ୍ ଏବଂ ଜାକିର ଅଲୀ ନାମକ ଦୁଇ ଜଣ ଆଜମ୍ ଖାନ୍ ଏବଂ ଅନ୍ୟ ୫ ଜଣଙ୍କ ବ୍ୟକ୍ତିଙ୍କ ବିରୋଧରେ ମାମଲା ରୁଜୁ କରିଛନ୍ତି। ଅଭିଯୋଗ ଅନୁଯାୟୀ ଅକ୍ଟୋବର ୧୫, ୨୦୧୬ରେ ଆଜମ୍ ଖାନ୍ ଏବଂ ଅନ୍ୟ ୫ ଜଣ ସମାଜବାଦୀ ପାର୍ଟି ନେତା ଘର ମଧ୍ୟରେ ଜବରଦସ୍ତି ପ୍ରବେଶ କରି ଏକ ମଇଁଷି ସହିତ ୨୫ ହଜାର ଟଙ୍କା ଚୋରି କରିଥିବାର ଅଭିଯୋଗ କରିଛନ୍ତି ଆସିଫ ଓ ଜାକିର ଅଲୀ। ବୁଧବାର ଦିନ ସାଂସଦଙ୍କ ବିରୋଧରେ ବଳପୂର୍ବକ ଜମି ଅଧିଗ୍ରହଣ କାରଣରୁ ୨୯ ଟି ଅଭିଯୋଗ ଅଣାଯାଇଥିଲା। ଏହାକୁ ମିଶାଇ ଆଜମ୍ ଖାନଙ୍କ ବିରୋଧରେ ସମୁଦାୟ ଅଭିଯୋଗ ସଂଖ୍ୟା ୫୦ ଅତିକ୍ରମ କରିଛି।
Tags:
