ନୂଆଦିଲ୍ଲୀ: ରୁଷର ସୁଦୂର ପୂର୍ବ କାମଚାଟ୍କା ଅଞ୍ଚଳରେ ଏକ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି। ୟୁରୋପୀୟ-ଭୂମଧ୍ୟସାଗରୀୟ ଭୂକମ୍ପ କେନ୍ଦ୍ର ପକ୍ଷରୁ ମିଳିଥିବା ସୂଚନା ଅନୁଯାୟୀ, ଏହି ଭୂକମ୍ପର ତୀବ୍ରତା ରିକ୍ଟର ସ୍କେଲରେ ସାତ ରହିଥିଲା। ପ୍ରାଥମିକ ରିପୋର୍ଟ ମୁତାବକ, ଭୂକମ୍ପଟି ଭୂପୃଷ୍ଠରୁ ପ୍ରାୟ ଏକ ଶହ ଚାଳିଶ କିଲୋମିଟର (ଅଠାଅଶୀ ମାଇଲ୍) ଗଭୀରତାରେ ସୃଷ୍ଟି ହୋଇଥିଲା। ଏହାର କେନ୍ଦ୍ରସ୍ଥଳ ରୁଷର ଭିଲ୍ୟୁଚିନ୍ସକ୍ ଠାରୁ ପ୍ରାୟ ଏକ ଶହ ତେଇଶ କିଲୋମିଟର ଦକ୍ଷିଣ-ପଶ୍ଚିମ ଦିଗରେ ରହିଥିଲା ବୋଲି ଜଣାପଡ଼ିଛି। ସ୍ଥାନୀୟ ସମୟ ଅପରାହ୍ନ ପ୍ରାୟ ତିନିଟା ପଞ୍ଚତିରିଶ ମିନିଟ୍ ସମୟରେ ଏହି ଭୂକମ୍ପ ସଂଘଟିତ ହୋଇଥିଲା।
ପ୍ରକାଶଥାଉ କି, ପ୍ରଶାନ୍ତ ମହାସାଗରୀୟ ‘ଅଗ୍ନି ବଳୟ’ ଅଞ୍ଚଳରେ ଅବସ୍ଥିତ ଥିବାରୁ କାମଚାଟ୍କା ଅଞ୍ଚଳ ଏକ ଅତ୍ୟନ୍ତ ଭୂକମ୍ପ ପ୍ରବଣ ଅଞ୍ଚଳ ଭାବେ ପରିଚିତ। ଏଠାରେ ଭୂପୃଷ୍ଠ ଫଳକଗୁଡ଼ିକର କ୍ରମାଗତ ଗତିବିଧି କାରଣରୁ ପ୍ରାୟତଃ ଭୂକମ୍ପ ଏବଂ ଜ୍ୱାଳାମୁଖୀ ଉଦ୍ଗୀରଣ ହୋଇଥାଏ। ତେବେ ଏହି ଭୂକମ୍ପ ଯୋଗୁଁ କୌଣସି ବଡ଼ଧରଣରକ୍ଷୟକ୍ଷତି କିମ୍ବା ଜୀବନହାନି ହୋଇଥିବାନେଇ କୌଣସି ସ୍ପଷ୍ଟ ସୂଚନା ମିଳିପାରି ନାହିଁ।