Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ଆଜିର ଖବର»ଜନ ବିଶ୍ୱାସ ଅଧିନିୟମ – ୨୦୨୬: ରେଳ ନିୟମ ଭାଙ୍ଗିଲେ ଦେବାକୁ ପଡ଼ିବ ଜରିମାନା
ଆଜିର ଖବର

ଜନ ବିଶ୍ୱାସ ଅଧିନିୟମ – ୨୦୨୬: ରେଳ ନିୟମ ଭାଙ୍ଗିଲେ ଦେବାକୁ ପଡ଼ିବ ଜରିମାନା

October 24, 2026No Comments3 Mins Read
Share Facebook Twitter LinkedIn Email WhatsApp Copy Link

ଭୁବନେଶ୍ୱର: ରେଳଯାତ୍ରା ସମୟରେ ନିୟମ ଉଲ୍ଲଂଘନ କରୁଥିବା ଲୋକଙ୍କ ପାଇଁ ଏବେ ସତର୍କ ହେବାର ସମୟ। ରେଳ ଷ୍ଟେସନରେ ବେଆଇନ ଭାବେ ବ୍ୟବସାୟ କରିବା ହେଉ କି ଅନଧିକୃତ ଭାବେ ରେଳବାଇ ପରିସରରେ ପ୍ରବେଶ, ଅନ୍ୟ ଯାତ୍ରୀଙ୍କ ପାଇଁ ସଂରକ୍ଷିତ ସ୍ଥାନ ଦଖଲ କରିବା ହେଉ କି ରେଳ କର୍ମଚାରୀଙ୍କ ନିର୍ଦ୍ଦେଶକୁ ଅବମାନନା—ଏଭଳି ନିୟମ ଉଲ୍ଲଂଘନ ବିରୋଧରେ କଡ଼ା ପଦକ୍ଷେପ ନେଉଛି ପୂର୍ବତଟ ରେଳପଥ।

ଜନ ବିଶ୍ୱାସ ଅଧିନିୟମ, ୨୦୨୬ ଅନୁଯାୟୀ ରେଳ ନିୟମର ଅନୁପାଳନକୁ ସୁଦୃଢ଼ କରିବା ଉପରେ ଗୁରୁତ୍ୱ ଦେଇ ମାତ୍ର ଚାରି ମାସ ମଧ୍ୟରେ ୧୯,୩୮୮ରୁ ଅଧିକ ବ୍ୟକ୍ତିଙ୍କଠାରୁ ୧ କୋଟି ୬୮ ହଜାର ୧୨୫ ଟଙ୍କା ଜରିମାନା ଆଦାୟ କରିଛି ଏହି ରେଳ ଜୋନ୍‌। ୧୯ ଜୁନ୍‌ରୁ ୨୦ ଅକ୍ଟୋବର ୨୦୨୬ ମଧ୍ୟରେ ବିଭିନ୍ନ ନିୟମ ଉଲ୍ଲଂଘନ ମାମଲାରେ ଏହି କାର୍ଯ୍ୟାନୁଷ୍ଠାନ ହୋଇଛି।

ପୂର୍ବତଟ ରେଳପଥର ତଥ୍ୟ ଅନୁଯାୟୀ, ରେଳବାଇ ପରିସରରେ ଅନଧିକୃତ ପ୍ରବେଶ, ପରିସରର ଅପବ୍ୟବହାର ଏବଂ ଛାଡ଼ିବାକୁ ମନା କରିବା ଭଳି ମାମଲାରେ ସର୍ବାଧିକ କାର୍ଯ୍ୟାନୁଷ୍ଠାନ ହୋଇଛି। ଏଭଳି ୧୪,୯୯୨ଟି ମାମଲାରେ ୭୫,୦୫,୧୦୦ ଟଙ୍କା ଜରିମାନା ଆଦାୟ ହୋଇଛି। ରେଳ ଷ୍ଟେସନ ଓ ଯାତ୍ରୀ ଅଞ୍ଚଳକୁ ସୁରକ୍ଷିତ, ଶୃଙ୍ଖଳିତ ଏବଂ ଯାତ୍ରୀ ଅନୁକୂଳ ରଖିବା ଏହାର ମୁଖ୍ୟ ଉଦ୍ଦେଶ୍ୟ।

ରେଳବାଇ ପରିସରରେ ବିନା ଅନୁମତିରେ ହକରି କରିବା, ସାମଗ୍ରୀ ବିକ୍ରି କରିବା କିମ୍ବା ଗ୍ରାହକଙ୍କୁ ଆକୃଷ୍ଟ କରିବା ଉପରେ ମଧ୍ୟ ନଜର ରଖାଯାଇଛି। ଏଭଳି ୧୬୯ ଜଣଙ୍କଠାରୁ ୩,୨୭,୫୦୦ ଟଙ୍କା ଜରିମାନା ଆଦାୟ ହୋଇଛି। ଅନଧିକୃତ ବ୍ୟବସାୟ ଯୋଗୁଁ ଯାତ୍ରୀଙ୍କ ଯାତାୟାତରେ ଯେପରି ବାଧା ସୃଷ୍ଟି ନହୁଏ, ସେଥିପାଇଁ ରେଳବାଇ ପକ୍ଷରୁ ଏହି ପଦକ୍ଷେପ ନିଆଯାଉଛି।

ରେଳବାଇ ପରିସରରେ ଯାନବାହନ ଚାଳକ ଓ ପରିଚାଳକଙ୍କ ଦ୍ୱାରା ଯୁକ୍ତିସଙ୍ଗତ ନିର୍ଦ୍ଦେଶ ଅବମାନନା କରିବା ଘଟଣାରେ ୪,୧୧୭ ଜଣଙ୍କ ବିରୋଧରେ ପଦକ୍ଷେପ ନିଆଯାଇଛି। ଏଥିରୁ ୨୦,୫୮,୨୦୦ ଟଙ୍କା ଜରିମାନା ଆଦାୟ ହୋଇଛି। ଷ୍ଟେସନ ପରିସରରେ ଟ୍ରାଫିକ୍‌ ଶୃଙ୍ଖଳା ବଜାୟ ରଖିବା ଏବଂ ଯାତ୍ରୀଙ୍କ ଯାତାୟାତକୁ ସୁଗମ କରିବା ପାଇଁ ଏହି ନିୟମ ପ୍ରବର୍ତ୍ତନ କରାଯାଉଛି।

ରେଳରେ ମହିଳାଙ୍କ ପାଇଁ ସଂରକ୍ଷିତ କୋଚ୍‌, ସିଟ୍‌ କିମ୍ବା ଅନ୍ୟ ସ୍ଥାନରେ ବିନା ଅନୁମତିରେ ପ୍ରବେଶ କରିବାକୁ ନେଇ ମଧ୍ୟ କଡ଼ା ନଜର ରଖାଯାଇଛି। ଏଭଳି ଘଟଣାରେ ୧୩ ଜଣଙ୍କଠାରୁ ୩୧,୫୦୦ ଟଙ୍କା ଜରିମାନା ଆଦାୟ ହୋଇଛି। ସେହିପରି, ଯାତ୍ରୀଙ୍କ ବ୍ୟବହାର ପାଇଁ ସଂରକ୍ଷିତ ନଥିବା କମ୍ପାର୍ଟମେଣ୍ଟରେ ଅନଧିକୃତ ପ୍ରବେଶ ସମ୍ପର୍କିତ ୫୯ଟି ମାମଲାରେ ୮୧ ହଜାର ଟଙ୍କା ଜରିମାନା ଆଦାୟ କରାଯାଇଛି।

ଏହା ବ୍ୟତୀତ ଅନ୍ୟ ବ୍ୟକ୍ତିଙ୍କ ନାମରେ ବୁକ୍‌ ହୋଇଥିବା ଟିକେଟ୍‌ରେ ବିନା ଅନୁମତିରେ ଯାତ୍ରା କରିବା ଘଟଣାରେ ୬ ଜଣଙ୍କଠାରୁ ୩ ହଜାର ଟଙ୍କା ଜରିମାନା ଆଦାୟ ହୋଇଛି।

ବୈଧ ଟିକେଟ୍‌ କିମ୍ବା ପାସ୍‌ ବିନା ରେଳଯାତ୍ରା କରି ରେଳବାଇକୁ ଠକିବା ଉଦ୍ଦେଶ୍ୟରେ ଯାତ୍ରା କରିବା କିମ୍ବା ଏପରି ଉଦ୍ୟମ ସମ୍ପର୍କିତ ମାମଲାରେ ମଧ୍ୟ ଜରିମାନା ଆଦାୟ ହୋଇଛି। ରେଳବାଇର ସାର୍ବଜନୀନ ବିଜ୍ଞପ୍ତି, ବୋର୍ଡ କିମ୍ବା ଦଲିଲକୁ ବେଆଇନ ଭାବେ ହଟାଇବା ବା ନଷ୍ଟ କରିବା ଘଟଣାରେ ଗୋଟିଏ ମାମଲାରୁ ୨ ହଜାର ଟଙ୍କା ଆଦାୟ ହୋଇଛି। ଟ୍ରେନ୍‌ କମ୍ପାର୍ଟମେଣ୍ଟରେ ଧୂମପାନ କରି ଅନ୍ୟ ଯାତ୍ରୀଙ୍କ ପାଇଁ ଅସୁବିଧା ସୃଷ୍ଟି କରିବା ଘଟଣାରେ ୨୮ଟି ମାମଲାରୁ ୫୪,୫୦୦ ଟଙ୍କା ଜରିମାନା ଆଦାୟ କରାଯାଇଛି।

ଜନ ବିଶ୍ୱାସ ଅଧିନିୟମ, ୨୦୨୬ ଅନୁଯାୟୀ ରେଳବାଇ ଅଧିନିୟମ, ୧୯୮୯ର ବିଭିନ୍ନ ବ୍ୟବସ୍ଥାରେ ସଂଶୋଧନ କରାଯାଇଛି। ନିୟମ ପାଳନକୁ ପ୍ରୋତ୍ସାହନ ଦେବା, ଉତ୍ତରଦାୟିତ୍ୱ ବଢ଼ାଇବା ଏବଂ ରେଳବାଇ ପରିସରରେ ଶୃଙ୍ଖଳା ବଜାୟ ରଖିବା ଏହାର ଲକ୍ଷ୍ୟ। ପୂର୍ବତଟ ରେଳପଥ ଏହି ବ୍ୟବସ୍ଥା ଅନୁଯାୟୀ ନିୟମ ଉଲ୍ଲଂଘନକାରୀଙ୍କ ବିରୋଧରେ ପଦକ୍ଷେପ ଜାରି ରଖିଛି।

ରେଳବାଇ ପକ୍ଷରୁ ଯାତ୍ରୀମାନଙ୍କୁ ବୈଧ ଟିକେଟ୍‌ରେ ଯାତ୍ରା କରିବା, ସଂରକ୍ଷିତ ସ୍ଥାନର ନିୟମ ପାଳନ କରିବା, ରେଳ ଧାରଣା ଓ ନିଷିଦ୍ଧ ସ୍ଥାନରେ ଅନଧିକୃତ ପ୍ରବେଶରୁ ଦୂରେଇ ରହିବା, ବେଆଇନ ବ୍ୟବସାୟ ନକରିବା, ଧୂମପାନରୁ ବିରତ ରହିବା ଏବଂ ରେଳ କର୍ମଚାରୀଙ୍କ ଆଇନସମ୍ମତ ନିର୍ଦ୍ଦେଶ ପାଳନ କରିବାକୁ ଅନୁରୋଧ କରାଯାଇଛି।

#ଜନବିଶ୍ୱାସଅଧିନିୟମ #ରେଳନିୟମ ପୂର୍ବତଟରେଳପଥ ରେଳବାଇ
Share. Facebook Twitter LinkedIn Email WhatsApp Copy Link

Related Posts

‘IPL ସହିତ ପ୍ରତିଯୋଗିତା କରାଯାଇପାରିବ ନାହିଁ’: ସ୍ୱୀକାର କଲେ PSL ଦଳର ମାଲିକ

November 20, 2026

ବିରୋଧୀଙ୍କ ହଟ୍ଟଗୋଳ ଓ ଅଚଳାବସ୍ଥା : ସୋମବାର ଯାଏଁ ଗୃହ ମୁଲତବୀ

November 20, 2026

ନିକଟ ସମ୍ପର୍କୀୟଙ୍କ ମଧ୍ୟରେ ବିବାହ ଉପରେ ସୁପ୍ରିମକୋର୍ଟ ଚିନ୍ତିତ: କେନ୍ଦ୍ରକୁ ଦେଲେ ଏହି ନିର୍ଦ୍ଦେଶ

November 20, 2026

1 ଲକ୍ଷ ବୀମା ସହିତ 380 ଦିନର ବୈଧତା ପ୍ରଦାନ କରୁଛି BSNL: ଜାଣନ୍ତୁ ସମ୍ପୂର୍ଣ୍ଣ ଯୋଜନା

November 20, 2026
Latest News

‘IPL ସହିତ ପ୍ରତିଯୋଗିତା କରାଯାଇପାରିବ ନାହିଁ’: ସ୍ୱୀକାର କଲେ PSL ଦଳର ମାଲିକ

November 20, 2026

ବିରୋଧୀଙ୍କ ହଟ୍ଟଗୋଳ ଓ ଅଚଳାବସ୍ଥା : ସୋମବାର ଯାଏଁ ଗୃହ ମୁଲତବୀ

November 20, 2026

ନିକଟ ସମ୍ପର୍କୀୟଙ୍କ ମଧ୍ୟରେ ବିବାହ ଉପରେ ସୁପ୍ରିମକୋର୍ଟ ଚିନ୍ତିତ: କେନ୍ଦ୍ରକୁ ଦେଲେ ଏହି ନିର୍ଦ୍ଦେଶ

November 20, 2026

1 ଲକ୍ଷ ବୀମା ସହିତ 380 ଦିନର ବୈଧତା ପ୍ରଦାନ କରୁଛି BSNL: ଜାଣନ୍ତୁ ସମ୍ପୂର୍ଣ୍ଣ ଯୋଜନା

November 20, 2026

ଏସିଆର ସର୍ବଶ୍ରେଷ୍ଠ ବ୍ୟାଟସମ୍ୟାନଙ୍କ ମଧ୍ୟରେ ସ୍ଥାନ ପାଇଲେ କେଏଲ ରାହୁଲ

November 20, 2026
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2026 All rights resorved by S M Network | Designed by Ratna Technology.

Type above and press Enter to search. Press Esc to cancel.