କାଲିଠୁ ରାଜ୍ୟରେ ଲାଗୁ ହେବ ସଂଶୋଧିତ ନୂଆ ମୋଟର ଯାନ ଆଇନ । ପରିବହନ କାର୍ଯ୍ୟାଳୟର ସ୍ବଚ୍ଛତା ପାଇଁ ଅନ୍ଲାଇନରେ ଡ୍ରାଇଭିଂ ଲାଇସେନ୍ସ ଦିଆଯିବ। ଏହି ନୂଆ ମୋଟର ଯାନ ଆଇନ ଅନୁସାରେ ଅଜଣା ଗାଡ଼ି ଧକ୍କାରେ ମୃତାହତ ବ୍ୟକ୍ତିଙ୍କୁ ସହାୟତା ମିଳିବ । ସହାୟତା ରାଶି ପାଇଁ ମୋଟର ଯାନ ଦୁର୍ଘଟଣା ପାଣ୍ଠି ଗଠନ କରାଯିବ। ଏଣିକି ମୋଟର ଯାନ ଆଇନ ଉଲ୍ଲଂଘନକାରୀ ଅଧିକ ଜରିମାନା ଦେବେ। ଉଲ୍ଲଘଂନକାରୀଙ୍କୁ ଇଲେକଟ୍ରୋନିକ୍ ଯନ୍ତ୍ର ମାଧ୍ୟମରେ ଚିହ୍ନଟ କରାଯିବ । ପୋଲିସ୍ ଓ ପରିବହନ ବିଭାଗ ଦ୍ବାରା ଯାଞ୍ଚ କରାଯିବ । ସେହିପରି ଏହି ନୂଆ ନିୟମରେ ଟ୍ରାଫିକ୍ ନିୟମ ଉଲ୍ଲଂଘନ କଲେ ଦଣ୍ଡବ୍ୟବସ୍ଥା ଓ ଜରିମାନାକୁ ଅଧିକ କଡ଼ାକଡ଼ି କରାଯାଇଛି । ଡ୍ରାଇଭିଂ ବେଳେ ମୋବାଇଲ ବ୍ୟବହାର କଲେ ୧୦,୦୦୦ ଟଙ୍କା ଓ କାର୍ରେ ବେଲ୍ଟ ନ ବାନ୍ଧିଲେ ଏକହଜାର ଟଙ୍କା ଜରିମାନା ଆଦି ରହିଛି । ସେହିପରି ଅପ୍ରାପ୍ତ ବୟସ୍କ ଗାଡ଼ି ଚଳାଇଲେ ଅଭିଭାବକ ଦଣ୍ଡ ଭୋଗିବେ। ମୋଟର ଯାନ ସଂଶୋଧିତ ନୂଆ ଆଇନ୍ ସମ୍ପର୍କରେ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପରିବହନ ସଚିବ ।