କଟକ: ଐତିହାସିକ କଟକ ବାଲିଯାତ୍ରା ୨୦୨୬କୁ ନେଇ ବ୍ୟବସାୟୀଙ୍କ ମଧ୍ୟରେ ଜୋରଦାର ଉତ୍ସାହ ଦେଖାଦେଇଛି। ଷ୍ଟଲ୍ ପାଇଁ ଏପର୍ଯ୍ୟନ୍ତ ପ୍ରାୟ ୧୦୦୦ ପ୍ଲଟ୍ର ପଞ୍ଜୀକରଣ ଶେଷ ହୋଇଛି। ଆଉ କିଛି ପ୍ଲଟ୍ ଖାଲି ଥିବାରୁ ପ୍ରଶାସନ ପଞ୍ଜୀକରଣର ଶେଷ ତାରିଖକୁ ଅକ୍ଟୋବର ୩୧ ପର୍ଯ୍ୟନ୍ତ ବଢ଼ାଇଛି।
ବାତ୍ୟା ଅର୍ଣ୍ଣବ ଯୋଗୁଁ ଖରାପ ପାଗ ହେବାରୁ ଗତ ଦୁଇ ଦିନ ପଞ୍ଜୀକରଣ ହାର କମିଥିଲା। ତେଣୁ ବ୍ୟବସାୟୀ ଓ ବିଭିନ୍ନ ଅନୁଷ୍ଠାନକୁ ଆଉ ଗୋଟିଏ ଦିନ ସୁଯୋଗ ଦିଆଯାଇଛି। ଆଗ୍ରହୀ ବ୍ୟବସାୟୀମାନେ katakabalijatra.net କିମ୍ବା kataka.odisha.gov.in ୱେବ୍ସାଇଟ୍ରେ ଅନଲାଇନ୍ ପଞ୍ଜୀକରଣ କରିପାରିବେ। ଏଥିସହ କଟକର ବାରବାଟୀ ପ୍ୟାଲେସ୍ରେ ସକାଳ ୧୦ଟାରୁ ଅପରାହ୍ନ ୫ଟା ଯାଏଁ ଅଫ୍ଲାଇନ୍ ପଞ୍ଜୀକରଣ ସୁବିଧା ରହିଛି।
ଚଳିତ ବର୍ଷ ନଭେମ୍ବର ୨୪ରୁ ଡିସେମ୍ବର ୧ ଯାଏଁ ମହାନଦୀ ତଟରେ ବାଲିଯାତ୍ରା ଆୟୋଜିତ ହେବ। ଏହି ଐତିହାସିକ ମହୋତ୍ସବ କ୍ଷୁଦ୍ର ବ୍ୟବସାୟୀ, ଉଦ୍ୟୋଗୀ ଓ ସ୍ୱୟଂ ସହାୟକ ଗୋଷ୍ଠୀଙ୍କୁ ବ୍ୟବସାୟ ଏବଂ ଜୀବିକାର ସୁଯୋଗ ଯୋଗାଇଥାଏ।