ଦିଲ୍ଲୀ: ଭାରତ ସରକାରଙ୍କ ବସ୍ତ୍ର ମନ୍ତ୍ରଣାଳୟ ଅଧୀନସ୍ଥ ଏକ ଉଦ୍ୟୋଗ, ‘ସେଣ୍ଟ୍ରାଲ କଟେଜ୍ ଇଣ୍ଡଷ୍ଟ୍ରିଜ୍ କର୍ପୋରେସନ୍ ଅଫ୍ ଇଣ୍ଡିଆ ଲିମିଟେଡ୍ (ସିସିଆଇସି), ଗୁଜରାଟର କେଭାଡିଆ ସ୍ଥିତ ଏକତା ନଗରରେ ଚାଲିଥିବା ‘ଭାରତ ପର୍ବ ୨୦୨୬’ ରେ ଅଂଶଗ୍ରହଣ କରିଛି। ୩୦ ଅକ୍ଟୋବର ୨୦୨୬ ରେ, ଯେତେବେଳେ ପ୍ରଧାନମନ୍ତ୍ରୀ ଏକତା ନଗରରେ ସିସିଆଇସି ପାଭିଲିୟନ୍ ପରିଦର୍ଶନ କଲେ, ସେହି ମୁହୂର୍ତ୍ତଟି ସିସିଆଇସି ପାଇଁ ଏକ ଗର୍ବ ଓ ସ୍ମରଣୀୟ ଅନୁଭୂତି ହୋଇ ରହିଲା। ଏହି ପରିଦର୍ଶନ ସିସିଆଇସିକୁ ନିଜର ସମୃଦ୍ଧ ପରମ୍ପରା, କାରିଗର ଓ ବୁଣାକାରମାନଙ୍କ ସହ ଦୀର୍ଘଦିନର ସମ୍ପର୍କ ଏବଂ ଭାରତର ପାରମ୍ପରିକ ହସ୍ତତନ୍ତ ଓ ହସ୍ତଶିଳ୍ପ ଐତିହ୍ୟକୁ ପ୍ରୋତ୍ସାହିତ କରିବା ଦିଗରେ ଏହାର ପ୍ରୟାସକୁ ପ୍ରଦର୍ଶନ କରିବାର ଏକ ସୁଯୋଗ ପ୍ରଦାନ କରିଛି।
ଭାରତ ସରକାରଙ୍କ ବୟନ ମନ୍ତ୍ରଣାଳୟ ଅଧୀନସ୍ଥ ଉଦ୍ୟୋଗ ସେଣ୍ଟ୍ରାଲ୍ କଟେଜ୍ ଇଣ୍ଡଷ୍ଟ୍ରିଜ୍ କର୍ପୋରେସନ୍ ଅଫ୍ ଇଣ୍ଡିଆ ଲିମିଟେଡ୍ (ସିସିଆଇସି) ଗୁଜରାଟର ଏକତା ନଗର, କେୱାଡ଼ିଆଠାରେ ଆୟୋଜିତ ଭାରତ ପର୍ବ ୨୦୨୬ରେ ଅଂଶଗ୍ରହଣ କରୁଛି। ୨୦୨୬ ଅକ୍ଟୋବର ୩୦ ତାରିଖରେ ଏକତା ନଗର, କେୱାଡ଼ିଆଠାରେ ଥିବା ସିସିଆଇସି ପାଭିଲିୟନ ପରିଦର୍ଶନ କରିବା ଅନୁଷ୍ଠାନ ପାଇଁ ଏକ ଗୌରବମୟ ଓ ସ୍ମରଣୀୟ ମୁହୂର୍ତ୍ତ ଥିଲା। ଏହି ଅବସରରେ ସିସିଆଇସି ନିଜର ସମୃଦ୍ଧ ପରମ୍ପରା, କାରିଗର ଓ ବୁଣାକାରଙ୍କ ସହ ଦୀର୍ଘଦିନର ସମ୍ପର୍କ ତଥା ଭାରତର ପାରମ୍ପରିକ ହସ୍ତତନ୍ତ ଓ ହସ୍ତଶିଳ୍ପ ଐତିହ୍ୟର ପ୍ରଚାରପ୍ରସାର ଦିଗରେ ଜାରି ରଖିଥିବା ପ୍ରୟାସକୁ ପ୍ରଦର୍ଶନ କରିବାର ସୁଯୋଗ ପାଇଥିଲା।
ସିସିଆଇସି ପାଭିଲିୟନ୍, କାରିଗର ଓ ବୁଣାକାରମାନଙ୍କୁ ଉନ୍ନତ ବଜାର ସୁଯୋଗ ଏବଂ ସ୍ଥାୟୀ ଜୀବିକା ଯୋଗାଇ ସେମାନଙ୍କୁ ସଶକ୍ତ କରିବା କ୍ଷେତ୍ରରେ କର୍ପୋରେସନ୍ର ଯାତ୍ରାକୁ ଉପସ୍ଥାପନ କରିଛି । ନିଜର ବିଭିନ୍ନ ପଦକ୍ଷେପ ମାଧ୍ୟମରେ ସିସିଆଇସି ଭାରତର ପାରମ୍ପରିକ କାରିଗରୀକୁ ବ୍ୟାପକ ଘରୋଇ ତଥା ଅନ୍ତର୍ଜାତୀୟ ବାଜର ସହ ଯୋଡି, ‘ଭୋକାଲ ଫର୍ ଲୋକାଲ’ ଏବଂ “ଲୋକାଲ ଟୁ ଗ୍ଲୋବାଲ” ର ଲକ୍ଷ୍ୟ ହାସଲ ଦିଗରେ ସକ୍ରିୟ ଭାବେ ଯୋଗଦାନ ଦେଉଛି।
ସିସିଆଇସିର ପରିଚାଳନା ନିର୍ଦ୍ଦେଶକ ବିମଳ ଗୋପାଳଚାରୀ, ନିଗମର ଅଧିକାରୀବୃନ୍ଦ, କାରିଗର ଏବଂ ବୁଣାକାରମାନେ ଏହି ପାଭିଲିୟନ୍ରେ ଉପସ୍ଥିତ ଥିଲେ। ଏହି ପାଭିଲିୟନରେ ଦେଶର ଦେଶର ବିଭିନ୍ନ ପ୍ରାନ୍ତରୁ ଆସିଥିବା କାରିଗରମାନଙ୍କର ଅସାଧାରଣ ଦକ୍ଷତା ଓ କାରୁକାର୍ଯ୍ୟ ପ୍ରଦର୍ଶିତ ହୋଇଛି। ଏଥିମଧ୍ୟରେ ଗୁଜରାଟର କାରିଗରମାନଙ୍କ ଦ୍ୱାରା ‘ଏଗେଟ୍’ ପଥର ଓ ଅନ୍ୟାନ୍ୟ ମୂଲ୍ୟବାନ ପଥର ବ୍ୟବହାର କରି ପ୍ରସ୍ତୁତ ପାରମ୍ପରିକ କଳାକୃତି ଏବଂ ଜଟିଳ ‘ଏପ୍ଲିକ’ କାରୁକାର୍ଯ୍ୟ ଦେଖିବାକୁ ମିଳୁଛି।
ସିସିଆଇସି ଭାରତୀୟ ହସ୍ତତନ୍ତ ଓ ହସ୍ତଶିଳ୍ପର ସମୃଦ୍ଧ ତଥା ବିବିଧ ପରମ୍ପରାକୁ ପାଳନ କରୁଛି। ଏହା ଦେଶର ବିଭିନ୍ନ ସ୍ଥାନରୁ ଉତ୍କୃଷ୍ଟ କଳାତ୍ମକତା, ସୃଜନଶୀଳତା ଏବଂ କାରୁକାର୍ଯ୍ୟକୁ ଏକତ୍ରିତ କରିଛି। ଏଠାରେ ବିଭିନ୍ନ ପ୍ରକାରର ପାରମ୍ପରିକ ଓ ହସ୍ତନିର୍ମିତ ସାମଗ୍ରୀ ପ୍ରଦର୍ଶିତ ହୋଇଛି, ଯାହା ଭାରତର ଜୀବନ ସାଂସ୍କୃତିକ ଐତିହ୍ୟ ଏବଂ ଏହାର ଦେଶୀୟ କଳାଶୈଳୀର ଚିରନ୍ତନ ସୌନ୍ଦର୍ଯ୍ୟକୁ ପ୍ରତିଫଳିତ କରେ।
ଗୁଜରାଟର କେଭାଡିଆ ସ୍ଥିତ ଏକତା ନଗରରେ ଏହି ପ୍ରଦର୍ଶନୀ ୧୫ ନଭେମ୍ବର ୨୦୨୬ ପର୍ଯ୍ୟନ୍ତ ଦର୍ଶକମାନଙ୍କ ପାଇଁ ଖୋଲା ରହିବ।