Jio New Recharge Plan: ରିଲାଏନ୍ସ ଜିଓ ଗ୍ରାହକଙ୍କ ପାଇଁ ୧୦,୦୦୦ ଟଙ୍କାର ଏକ ନୂଆ ତିନି ବର୍ଷିଆ ଅନଲିମିଟେଡ୍ ପ୍ଲାନ୍ ଆରମ୍ଭ କରିଛି। ଥରେ ରିଚାର୍ଜ କରିବା ପରେ ଗ୍ରାହକଙ୍କୁ ପରବର୍ତ୍ତୀ ତିନି ବର୍ଷ ପର୍ଯ୍ୟନ୍ତ ଆଉ ରିଚାର୍ଜ କରିବାକୁ ପଡ଼ିବ ନାହିଁ। ଏହାକୁ ଟେଲିକମ୍ ଶିଳ୍ପରେ ଏହିଭଳି ପ୍ରଥମ ପ୍ଲାନ୍ ବୋଲି କୁହାଯାଉଛି। ବିଶେଷ କଥା ହେଉଛି, ଗ୍ରାହକମାନେ ତିନି ବର୍ଷ ପର୍ଯ୍ୟନ୍ତ ଅପରିବର୍ତ୍ତିତ ମୂଲ୍ୟରେ ଏହି ପ୍ଲାନ୍ ରେ ଅନ୍ତର୍ଭୁକ୍ତ ସମସ୍ତ ସୁବିଧା ପାଇପାରିବେ।
ଏହି ପ୍ଲାନ୍ ରେ ଅନଲିମିଟେଡ୍ ୫ଜି ଡାଟା, ଅନଲିମିଟେଡ୍ ଭଏସ୍ କଲିଂ, ପ୍ରତିଦିନ ୨.୫ ଜିବି ହାଇସ୍ପିଡ୍ ଡାଟା ଏବଂ ୧୦୦ଟି ଏସ୍ଏମ୍ଏସ୍ର ସୁବିଧା ମିଳିବ। ଏହି ପ୍ଲାନ୍ର ବୈଧତା ସମ୍ପୂର୍ଣ୍ଣ ତିନି ବର୍ଷ ରହିବ।
କଲିଂ ଓ ଡାଟା ସୁବିଧା ବ୍ୟତୀତ ଗ୍ରାହକମାନେ ଜିଓହଟଷ୍ଟାର ମୋବାଇଲ୍ ମାଧ୍ୟମରେ ହଲିଉଡ୍ କଣ୍ଟେଣ୍ଟ ଦେଖିବାର ସୁଯୋଗ ପାଇବେ। ଏଥିରେ ଲାଇଭ୍ ସ୍ପୋର୍ଟସ୍, ହଟଷ୍ଟାର ଅରିଜିନାଲ୍ସ ଏବଂ ଅନ୍ୟାନ୍ୟ ମନୋରଞ୍ଜନଭିତ୍ତିକ କାର୍ଯ୍ୟକ୍ରମ ରହିଛି। ଏହା ସହିତ ୧୨ ମାସର କାନଭା ପ୍ରୋ ଲାଇଟ୍ ସବସ୍କ୍ରିପସନ୍ ଏବଂ ଫାଇଲ୍, ଫଟୋ ଓ ଡକ୍ୟୁମେଣ୍ଟ୍କୁ ସୁରକ୍ଷିତ ରଖିବା ପାଇଁ ଜିଓଏଆଇକ୍ଲାଉଡରେ ୫୦ ଜିବି ମାଗଣା ଷ୍ଟୋରେଜ୍ ସୁବିଧା ମିଳିବ।
ଜିଓର ଏହି ନୂଆ ପ୍ଲାନ୍ ୭ ନଭେମ୍ବର ୨୦୨୬ରୁ ଉପଲବ୍ଧ ହୋଇଛି। ଗ୍ରାହକମାନେ ମାଇଁ ଜିଓ ଆପ୍, ଜିଓର ୱେବସାଇଟ୍, ଜିଓ ଷ୍ଟୋର୍, ରିଟେଲ୍ ଆଉଟଲେଟ୍ ଏବଂ ଅନ୍ୟାନ୍ୟ ଜିଓ ରିଚାର୍ଜ ମାଧ୍ୟମରେ ଏହି ପ୍ଲାନ୍ ର ଲାଭ ଉଠାଇପାରିବେ।