Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ଆଜିର ଖବର»ମହଙ୍ଗା ହେବ ଟିଭି, ଫ୍ରିଜ୍ ଓ ଏସି! ଘରୋଇ ଉପକରଣ କିଣିବାକୁ ଗଲେ ଖର୍ଚ୍ଚ ହେବ ଅଧିକ ଟଙ୍କା
ଆଜିର ଖବର

ମହଙ୍ଗା ହେବ ଟିଭି, ଫ୍ରିଜ୍ ଓ ଏସି! ଘରୋଇ ଉପକରଣ କିଣିବାକୁ ଗଲେ ଖର୍ଚ୍ଚ ହେବ ଅଧିକ ଟଙ୍କା

November 18, 2026No Comments3 Mins Read
Share Facebook Twitter LinkedIn Email WhatsApp Copy Link

ପାର୍ବଣ ଋତୁ ସରିବା ପରେ ଏବେ ସାଧାରଣ ଗ୍ରାହକଙ୍କ ପକେଟ୍‌କୁ ଲାଗିବ ଆଉ ଏକ ବଡ଼ ଝଟକା। ଘର ପାଇଁ ନୂଆ ସ୍ମାର୍ଟ ଟିଭି କିଣିବାକୁ ଯୋଜନା କରୁଛନ୍ତି କି? ନୂଆ ଫ୍ରିଜ୍ କିମ୍ବା ଏସି କିଣିବାକୁ ଚାହୁଁଛନ୍ତି କି? ତେବେ ଆପଣଙ୍କୁ ଏଥିପାଇଁ ପୂର୍ବାପେକ୍ଷା ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼ିପାରେ। କାରଣ ଦୀପାବଳି ପରେ ଘରୋଇ ଉପକରଣ ଓ ଇଲେକ୍ଟ୍ରୋନିକ୍ସ ସାମଗ୍ରୀର ଦର ବୃଦ୍ଧି ପାଇଁ ପ୍ରସ୍ତୁତ ହେଉଛନ୍ତି ପ୍ରମୁଖ କମ୍ପାନୀ। ଟିଭି, ରେଫ୍ରିଜରେଟର, ଏୟାର କଣ୍ଡିସନରଠାରୁ ଆରମ୍ଭ କରି ସ୍ମାର୍ଟଫୋନ୍ ଓ ଟାବଲେଟ୍ ପର୍ଯ୍ୟନ୍ତ ଅନେକ ସାମଗ୍ରୀର ମୂଲ୍ୟ ବଢ଼ିବା ଗ୍ରାହକଙ୍କ ଚିନ୍ତା ବଢ଼ାଇଛି।

୭ ପ୍ରତିଶତ ପର୍ଯ୍ୟନ୍ତ ବଢ଼ିଲା ଘରୋଇ ଉପକରଣର ଦର

ବଜାର ସୂଚନା ଅନୁସାରେ, ହାୟର ଓ ଗୋଦରେଜ୍ ଭଳି ପ୍ରମୁଖ କମ୍ପାନୀ ସେମାନଙ୍କ ଘରୋଇ ଉପକରଣର ମୂଲ୍ୟ ୭ ପ୍ରତିଶତ ପର୍ଯ୍ୟନ୍ତ ବଢ଼ାଇଛନ୍ତି। ସେହିପରି ସ୍ମାର୍ଟ ଟିଭି ବଜାରରେ ମଧ୍ୟ ଦରବୃଦ୍ଧିର ପ୍ରଭାବ ଦେଖିବାକୁ ମିଳିଛି। Xiaomi ପକ୍ଷରୁ ଟିଭି ମଡେଲ୍‌ଗୁଡ଼ିକର ମୂଲ୍ୟ ୭ ପ୍ରତିଶତ ବଢ଼ାଇବା ଘୋଷଣା କରାଯାଇଛି। ଚଳିତ ବର୍ଷ ଆରମ୍ଭରୁ ହୋଇଥିବା ଦରବୃଦ୍ଧିକୁ ହିସାବକୁ ନେଲେ ଟିଭି ମୂଲ୍ୟରେ ସାମଗ୍ରିକ ବୃଦ୍ଧି ୨୦ ପ୍ରତିଶତରୁ ଅଧିକ ହୋଇପାରେ। ଅନ୍ୟପକ୍ଷରେ ଫ୍ରିଜ୍ ଓ ଏସି ଭଳି ସାମଗ୍ରୀର ମୂଲ୍ୟ ୧୫ରୁ ୨୦ ପ୍ରତିଶତ ପର୍ଯ୍ୟନ୍ତ ବଢ଼ିବାର ଆଶଙ୍କା ରହିଛି।

ଏହାର ସିଧାସଳଖ ପ୍ରଭାବ ଗ୍ରାହକଙ୍କ ବଜେଟ୍ ଉପରେ ପଡ଼ିବ। ଉଦାହରଣ ସ୍ୱରୂପ, ପୂର୍ବରୁ ୩୦ ହଜାର ଟଙ୍କାରେ ମିଳୁଥିବା ଏକ ଫ୍ରିଜ୍ କିମ୍ବା ଏସି ପାଇଁ ଆଗକୁ ଅତିରିକ୍ତ ୨ ହଜାରରୁ ୪,୫୦୦ ଟଙ୍କା ପର୍ଯ୍ୟନ୍ତ ଦେବାକୁ ପଡ଼ିପାରେ। ଅର୍ଥାତ୍ ଘରୋଇ ଉପକରଣ କିଣିବା ଏବେ ଆହୁରି ମହଙ୍ଗା ହେବାକୁ ଯାଉଛି।

କାହିଁକି ବଢ଼ୁଛି ଇଲେକ୍ଟ୍ରୋନିକ୍ସ ସାମଗ୍ରୀର ମୂଲ୍ୟ?

ଏହି ଦରବୃଦ୍ଧି ପଛରେ ରହିଛି ଏକାଧିକ କାରଣ। କଞ୍ଚାମାଲର ମୂଲ୍ୟ ବୃଦ୍ଧି, ମେମୋରୀ ଚିପ୍‌ର ଅଭାବ ଓ ପରିବହନ ଖର୍ଚ୍ଚ ବଢ଼ିବା ଯୋଗୁଁ ନିର୍ମାତା କମ୍ପାନୀଗୁଡ଼ିକ ଚାପରେ ରହିଛନ୍ତି। ତମ୍ବା, ଆଲୁମିନିୟମ୍ ଓ ଷ୍ଟିଲ୍ ଭଳି ଅତ୍ୟାବଶ୍ୟକ କଞ୍ଚାମାଲର ମୂଲ୍ୟ ଉଚ୍ଚସ୍ତରରେ ରହିଥିବାରୁ ଉତ୍ପାଦନ ଖର୍ଚ୍ଚ ବଢ଼ିଛି। ହାୟର ଇଣ୍ଡିଆର ସିଇଓ ସତୀଶ ଏନ୍‌ଏସ୍‌ଙ୍କ କହିବା ଅନୁସାରେ, କଞ୍ଚାମାଲର ଉଚ୍ଚ ମୂଲ୍ୟ କମ୍ପାନୀଗୁଡ଼ିକର ଲାଭ ମାର୍ଜିନ୍ ଉପରେ ଚାପ ସୃଷ୍ଟି କରୁଛି।

ଏହାସହ ସାମଗ୍ରୀ ପରିବହନ ଖର୍ଚ୍ଚ ମଧ୍ୟ ବୃଦ୍ଧି ପାଇଛି। ପାର୍ବଣ ସମୟରେ ବିକ୍ରି ବଢ଼ାଇବା ପାଇଁ କମ୍ପାନୀଗୁଡ଼ିକ ଅନେକ ରିହାତି ଦେଇଥିଲେ। ଫଳରେ ଉତ୍ପାଦନ ଓ ବିତରଣ ଖର୍ଚ୍ଚ ବୃଦ୍ଧିର ପ୍ରଭାବକୁ ସେମାନେ ତତ୍କାଳ ଗ୍ରାହକଙ୍କ ଉପରେ ପକାଇନଥିଲେ। କିନ୍ତୁ ଏବେ ଲାଭ ମାର୍ଜିନ୍ ବଜାୟ ରଖିବା ପାଇଁ ମୂଲ୍ୟ ବୃଦ୍ଧିର ବିକଳ୍ପ ବାଛୁଛନ୍ତି।

AI ଡାଟା ସେଣ୍ଟର ବଢ଼ାଉଛି ଚିପ୍‌ର ଚାହିଦା

ଇଲେକ୍ଟ୍ରୋନିକ୍ସ ସାମଗ୍ରୀ ମହଙ୍ଗା ହେବା ପଛରେ କୃତ୍ରିମ ବୁଦ୍ଧିମତ୍ତା (AI)ର ମଧ୍ୟ ବଡ଼ ଭୂମିକା ରହିଛି। ବିଶ୍ୱର ବିଭିନ୍ନ ସ୍ଥାନରେ AI ଡାଟା ସେଣ୍ଟର ନିର୍ମାଣ ଓ ସମ୍ପ୍ରସାରଣ ଯୋଗୁଁ ମେମୋରୀ ଚିପ୍‌ର ଚାହିଦା ଦ୍ରୁତ ଗତିରେ ବଢ଼ୁଛି। ହେଲେ ଏହି ଚାହିଦା ଅନୁସାରେ ଯୋଗାଣ ହୋଇପାରୁନାହିଁ। ଫଳରେ ଚିପ୍‌ର ମୂଲ୍ୟ ବୃଦ୍ଧି ପାଉଛି। ସ୍ମାର୍ଟ ଟିଭି ସମେତ ଅନେକ ଇଲେକ୍ଟ୍ରୋନିକ୍ସ ଉପକରଣରେ ଚିପ୍‌ର ବ୍ୟବହାର ହେଉଥିବାରୁ ଏହାର ପ୍ରଭାବ ସିଧାସଳଖ ଉତ୍ପାଦନ ଖର୍ଚ୍ଚ ଉପରେ ପଡ଼ୁଛି।

ସ୍ମାର୍ଟଫୋନ୍ ଓ ଟାବଲେଟ୍ ଗ୍ରାହକଙ୍କୁ ବି ଝଟକା

କେବଳ ଟିଭି, ଫ୍ରିଜ୍ ଓ ଏସି ନୁହେଁ, ସ୍ମାର୍ଟଫୋନ୍ ଏବଂ ଟାବଲେଟ୍ କିଣିବା ମଧ୍ୟ ମହଙ୍ଗା ହୋଇଛି। ସାମସଙ୍ଗ୍ ଓ Xiaomi ଭଳି ପ୍ରମୁଖ ଟେକ୍ କମ୍ପାନୀ ସେମାନଙ୍କ କିଛି ସ୍ମାର୍ଟଫୋନ୍ ଓ ଟାବଲେଟ୍ ମଡେଲ୍‌ର ମୂଲ୍ୟ ୧୮ ପ୍ରତିଶତ ପର୍ଯ୍ୟନ୍ତ ବଢ଼ାଇଥିବା ରିପୋର୍ଟରେ ଉଲ୍ଲେଖ ରହିଛି। ଚଳିତ ବର୍ଷ ସ୍ମାର୍ଟଫୋନ୍‌ର ସାମଗ୍ରିକ ମୂଲ୍ୟ ବୃଦ୍ଧି ୪୦ ପ୍ରତିଶତରୁ ଅଧିକ ହୋଇଥିବା ଦାବି କରାଯାଉଛି। ପ୍ରୋସେସର୍, ଡିସପ୍ଲେ ପ୍ୟାନେଲ୍ ଓ ମେମୋରୀ ଚିପ୍‌ର ମୂଲ୍ୟ ହ୍ରାସ ହେବାର ସମ୍ଭାବନା କମ୍ ଥିବାରୁ ଆଗକୁ ମଧ୍ୟ ଏହି ବଜାରରେ ଦରବୃଦ୍ଧିର ଚାପ ରହିପାରେ।

ପୁରୁଣା ଷ୍ଟକ୍ ସରିବା ପୂର୍ବରୁ କିଣିବା ଲାଭଦାୟକ?

ଶିଳ୍ପ ବିଶେଷଜ୍ଞଙ୍କ ଆକଳନ ଅନୁସାରେ, କଞ୍ଚାମାଲ ଓ ଚିପ୍‌ର ମୂଲ୍ୟ ଶୀଘ୍ର ହ୍ରାସ ପାଇବାର ସମ୍ଭାବନା କମ୍। ତେଣୁ ଆଗାମୀ ମାସଗୁଡ଼ିକରେ ଇଲେକ୍ଟ୍ରୋନିକ୍ସ ସାମଗ୍ରୀର ଦର ଆହୁରି ବଢ଼ିପାରେ। ଯଦି ଆପଣ ନୂଆ ଟିଭି, ଏସି, ଫ୍ରିଜ୍ କିମ୍ବା ସ୍ମାର୍ଟଫୋନ୍ କିଣିବାକୁ ଯୋଜନା କରୁଛନ୍ତି, ତେବେ ବଜାରରେ ଉପଲବ୍ଧ ପୁରୁଣା ଷ୍ଟକ୍, ଅଫର୍ ଓ ରିହାତିର ତୁଳନା କରି ନିଷ୍ପତ୍ତି ନେବା ଲାଭଦାୟକ ହୋଇପାରେ।

ଏବେ ପ୍ରଶ୍ନ ହେଉଛି, ମହଙ୍ଗା ହେଉଥିବା ଇଲେକ୍ଟ୍ରୋନିକ୍ସ ସାମଗ୍ରୀର ଏହି ଦରବୃଦ୍ଧି କେତେଦିନ ପର୍ଯ୍ୟନ୍ତ ଜାରି ରହିବ? ଏହାର ଉତ୍ତର ନିର୍ଭର କରିବ କଞ୍ଚାମାଲର ଦର, ଚିପ୍‌ର ଯୋଗାଣ ଓ ବିଶ୍ୱ ବଜାରର ସ୍ଥିତି ଉପରେ।

AC Price Hike Electronics Price in India Godrej Refrigerator Price Hike Smartphone Price Hike TV Price Hike
Share. Facebook Twitter LinkedIn Email WhatsApp Copy Link

Related Posts

ଆଜିଠୁ ବିଧାନସଭାର ଶୀତ ଅଧିବେଶନ, ପ୍ରଥମ ଦିନରୁ ହଙ୍ଗାମା ଆଶଙ୍କା!

November 18, 2026

ଆଇପିଏଲ୍ ୨୦୨୭ରେ ଖେଳିବେ ନାହିଁ ଟ୍ରାଭିସ୍ ହେଡ୍

November 18, 2026

FD ରେ ମିଳୁଛି ୮.୨୫% ପର୍ଯ୍ୟନ୍ତ ସୁଧ! SBI-HDFCକୁ ପଛରେ ପକାଇଲେ ଛୋଟ ବ୍ୟାଙ୍କ, ଜାଣନ୍ତୁ କେଉଁଠି ଟଙ୍କା ରଖିଲେ ମିଳିବ ଅଧିକ ରିଟର୍ଣ୍ଣ

November 18, 2026

ଆଇଏସ୍‌ଏସ୍‌ଏଫ୍ ଆଥ୍‌ଲେଟ୍ସ କମିଟିକୁ ନିର୍ବାଚିତ ହେଲେ ମନୁ ଭାକର

November 18, 2026
Latest News

ମହଙ୍ଗା ହେବ ଟିଭି, ଫ୍ରିଜ୍ ଓ ଏସି! ଘରୋଇ ଉପକରଣ କିଣିବାକୁ ଗଲେ ଖର୍ଚ୍ଚ ହେବ ଅଧିକ ଟଙ୍କା

November 18, 2026

ଆଜିଠୁ ବିଧାନସଭାର ଶୀତ ଅଧିବେଶନ, ପ୍ରଥମ ଦିନରୁ ହଙ୍ଗାମା ଆଶଙ୍କା!

November 18, 2026

ଆଇପିଏଲ୍ ୨୦୨୭ରେ ଖେଳିବେ ନାହିଁ ଟ୍ରାଭିସ୍ ହେଡ୍

November 18, 2026

FD ରେ ମିଳୁଛି ୮.୨୫% ପର୍ଯ୍ୟନ୍ତ ସୁଧ! SBI-HDFCକୁ ପଛରେ ପକାଇଲେ ଛୋଟ ବ୍ୟାଙ୍କ, ଜାଣନ୍ତୁ କେଉଁଠି ଟଙ୍କା ରଖିଲେ ମିଳିବ ଅଧିକ ରିଟର୍ଣ୍ଣ

November 18, 2026

ଆଇଏସ୍‌ଏସ୍‌ଏଫ୍ ଆଥ୍‌ଲେଟ୍ସ କମିଟିକୁ ନିର୍ବାଚିତ ହେଲେ ମନୁ ଭାକର

November 18, 2026
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2026 All rights resorved by S M Network | Designed by Ratna Technology.

Type above and press Enter to search. Press Esc to cancel.