ଶ୍ରୀମନ୍ଦିର ଚତୁଃପାର୍ଶ୍ବରୁ ଉଚ୍ଛେଦ ପ୍ରତିବାଦରେ ଆଜି ଗଜପତି ମହାରାଜାଙ୍କ ନେତୃତ୍ବରେ ଏକ ବୈଠକ ବସିବ । ଏହି ବୈଠକ ଦିନ 11ଟାରେ ବସିବ ବୋଲି ଜଣାପଡିଛି । ଏହି ବୈଠକରେ ଆମିକସ୍ କ୍ୟୁରୀ ରଣଜିତ କୁମାର ଏବଂ ସଲିସିଟର ଜେନେରାଲ୍ ତୁଷାର ମେହେଟ୍ଟା ଯୋଗ ଦେବେ ବୋଲି ଜଣାପଡିଛି । ସୁପ୍ରିମକୋର୍ଟଙ୍କ ନିର୍ଦେଶ କ୍ରମେ ମାମଲାର ଆମିକସ କ୍ୟୁରୀ ରଣଜିତ କୁମାର ଶୁକ୍ରବାର ଦିନ ଦୁଇ ଦିନିଆ ଗସ୍ତରେ ଅଛନ୍ତି । ଶନିବାର ଦିନ ଶ୍ରୀମନ୍ଦିର ଓ ମେଘନାଦ ପାଚେରୀ ଚତୁଃର୍ପାର୍ଶ୍ବ ପରିଦର୍ଶନ କରିବା ସହ ଶ୍ରୀମନ୍ଦିର ପ୍ରଶାସନ, ଜିଲା ପ୍ରଶାସନ, ସେବାୟତ ନିଯୋଗ ଏବଂ ଅନ୍ୟାନ୍ୟ ପକ୍ଷଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି ।
