ଭାରତର ପ୍ରଖ୍ୟାତ ଓକିଲ ତଥା ପୂର୍ବତ୍ତନ ମନ୍ତ୍ରୀ ରାମ ଜେଠାମାଳିନୀଙ୍କର ଆଜି ସକାଳେ ଦେହାନ୍ତ ହୋଇଯାଇଛି। ନୂଆଦିଲ୍ଲୀସ୍ଥିତ ବାସଭବନରେ ଆଜି ସକାଳ 7ଟା 45ରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ 95 ବର୍ଷ ବୟସ ହୋଇଥିଲା। ଆଉ ପାଞ୍ଚ ଦିନ ପରେ ଅର୍ଥାତ ସେପ୍ଟମ୍ବର 14 ତାରିଖରେ ତାଙ୍କର 96 ତମ ଜନ୍ମଦିନ ପାଳନ କରିଥାଆନ୍ତେ। ଜେଠାମାଳିନୀ ଦୀର୍ଘ ମାସ ଧରି ବୟସାଧିକ ରୋଗରେ ପିଡିତ ହୋଇ ଘରେ ଚିକିତ୍ସିଚ ହେଉଥିଲେ। ତାଙ୍କ ପୁତ୍ର ମହେଶ ଜେଠାମାଳିନୀଙ୍କ ଅନୁସାରେ ଆଜି ଅପରାହ୍ନରେ ତାଙ୍କର ଶେଷକୃତ୍ୟ ସଂପର୍ଣ୍ଣ ହେବ। 14 ସେପ୍ଟେମ୍ବର 1923ରେ ବମ୍ବେର ଶିଖରପୁରରେ ଜନ୍ମଗ୍ରହଣ କରିଥିବା ରାମ ଜେଠମଲାନୀ 1988ରେ ପ୍ରଥମ ଥ୍ର ପାଇଁ ସାଂସଦ ଭାବରେ ସଂସଦ ପ୍ରବେଶ କରିଥିଲେ । 1980ରେ ବିଧାନସଭା ନିର୍ବାଚନରେ ବିଜୟୀ ହୋଇଥିଲେ ମଧ୍ୟ 1985ରେ କଂଗ୍ରେସର ସୁନୀଲ ଦତ୍ତଙ୍କ ନିକଟରୁ ପରାଜିତ ହୋଇଥିଲେ । 1996ରେ ବାଜପେୟୀ ସରକାରରେ ପ୍ରଥମ ଥର ପାଇଁ ଆଇନ ଓ ନ୍ୟାୟପାଳିକା ବିଭାଗର ମନ୍ତ୍ରୀ ରହିଥିଲେ ଜେଠମଲାନୀ । ଏହାପରେ 1998ରେ ସହରାଞ୍ଚଳ ବିକାଶ ଏବଂ ନିଯୁକ୍ତି ବିଭାଗ ସହିତ ପୁନର୍ବାର 13 ଅକ୍ଟୋବର 1999ରେ ଆଇନ ମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ । 1987 ରୁ 1995 ମଧ୍ୟରେ ଜେଠମଲାନୀ ନିଜର ଏକ ରାଜନୈତିକ ଦଳ ପବିତ୍ର ହିନ୍ଦୁସ୍ତାନ କାଝାଗାମ୍ ଗଠନ କରିଥିଲେ । 2004ରେ ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ବିପକ୍ଷରେ ସ୍ବାଧୀନ ଭାବରେ ନିର୍ବାଚନ ଲଢି ପରାଜିତ ହୋଇଥିବା ବେଳେ 2010ରେ ବିଜେପି ପକ୍ଷରୁ ରାଜସ୍ଥାନରୁ ରାଜ୍ୟସଭା ଯାଇଥିଲେ ଜେଠମଲାନୀ । 2013ରେ ବିଜେପି ପରିତ୍ୟାଗ କରିବା ସହିତ 2016ରେଆରଜେଡିରେ ଯୋଗ ଦେଇଥିଲେ ଜଷଠମଲାନୀ ।
