ହରିୟାଣା ବିଧାନସଭା ନିର୍ବାଚନରେ କଂଗ୍ରେସ ଟିକେଟ୍ ପାଇ ଆଶାୟୀ ପ୍ରାର୍ଥୀଙ୍କୁ କଠିନ ପରୀକ୍ଷା ଦେବାକୁ ପଡିବ । ହରିୟାଣା କଂଗ୍ରେସର ଅଧ୍ୟକ୍ଷ କୁମାର ଶୈଲଜା ଏକ ଟୁଇଟ୍ ଜରିଆରେ ଏକ ସର୍କୁଲାର ଜାରି କରିଛନ୍ତି । ଏଥିରେ ସୂଚନା ରହିଛି ଯେ, ଯେଉଁ ବ୍ୟକ୍ତି ମଦ୍ୟ ପାନ କରିବ ନାହିଁ ଓ ଖଦୀ ପିନ୍ଧି ସେହି ବ୍ୟକ୍ତିଙ୍କୁ ବିଧାନସଭା ନିର୍ବାଚନ ପାଇଁ ଟିକେଟ ଦିଆଯିବ । ଏତଦ୍ବ୍ୟତୀତ ସାଧାରଣ ବର୍ଗଙ୍କ ଆଶାୟୀ ପ୍ରାର୍ଥୀଙ୍କ ପାଇଁ ୫୦୦୦ଟଙ୍କା ଓ ଏସ୍ସି/ଏସ୍ଟି ଓ ମହିଳା ଆଶାୟୀ ପ୍ରାର୍ଥୀଙ୍କ ପାଇଁ ଦୁଇ ହଜାରଟଙ୍କା ଶୁଳ୍କ ଦେୟ ହରିୟାଣା ପ୍ରଦେଶ କଂଗ୍ରେସ କମିଟିରେ ଜମା କରିବାକୁ ପଡ଼ିବ । କୁମାରୀ ଶୈଲଜା ନିଜ ଟୁଇଟ୍ରେ କହିଛନ୍ତି ଯେ, ‘ହରିୟାଣା ପ୍ରଦେଶ କଂଗ୍ରେସ କମିଟି ଦ୍ବାରା ୨୦୧୮-୨୨ ସଦସ୍ୟ ପାଇଁ ନୂଆ ଫର୍ମ ଓ କଂଗ୍ରେସ ଦଳରର ଟିକେଟ ଉପରେ ନିର୍ବାଚନ ଲଢିବା ପାଇଁ ଇଚ୍ଛୁକ କଂଗ୍ରେସ ପ୍ରାର୍ଥୀଙ୍କ ଆବେଦନ ପତ୍ର ପ୍ରିଣ୍ଟ ହୋଇସାରିଲାଣି । ଆବେଦନକାରୀଙ୍କୁ ଫର୍ମ ସହିତ ୩୨୫ଟଙ୍କା ଶୁଳ୍କ ଜମା କରିବାକୁ ପଡ଼ିବ । ଏଥିନିମେନ୍ତ ହରିୟାଣା କଂଗ୍ରେସ ଅଧ୍ୟକ୍ଷଙ୍କ ଘରେ ମଧ୍ୟ ଆବେଦନ କରି ହେବ । ସେହିପରି ଚଣ୍ଡୀଗଡ଼ର କଂଗ୍ରେସ ମୁଖ୍ୟାଳୟରେ ମଧ୍ୟ ଆବେଦନ କରିହେବ । ଏତଦ୍ବ୍ୟତୀତ ପ୍ରଦେଶ କଂଗ୍ରେସ କମିଟିକୁ ମେଲ୍ ମଧ୍ୟ ପଠାଇ ହେବ । ହରିୟାଣା କଂଗ୍ରେସ ତରଫରୁ ଯେଉଁ ଫର୍ମ ଜାରି କରାଯାଇଛି, ସେଥିରେ ଆଶାୟୀ ପ୍ରାର୍ଥୀଙ୍କ ଜାତିର ସୂଚନା ଦେବାକୁ ପଡ଼ିବ ।
