ନିକଟରେ ସମାପିତ ଭାରତର ବହୁ ପ୍ରତୀକ୍ଷିତ ଚନ୍ଦ୍ରଯାନ ପ୍ରକଳ୍ପ ଚନ୍ଦ୍ରଯାନ-2 98 ପ୍ରତିଶତ ସଫଳ ହୋଇଛି ବୋଳଇ ଇସ୍ରୋ ମୁଖ୍ୟ କେ ଶିବନ ମତ ଦେଇଛନ୍ତି । ଆଇଆଇଟି ଭୁବନେଶ୍ବରର ସମାବର୍ତ୍ତନ ଉତ୍ସବରେ ଯୋଗ ଦେବାକୁ ଭୁବନେଶ୍ବର ଆସିଥିବା ଶିବନ ଏହି ମତ ଦେଇଛନ୍ତି । ବିମାନ ବନ୍ଦରରୁ ଓହ୍ଲାଇବା ପରେ ସାମ୍ବାଦିକଙ୍କ ପ୍ରଶ୍ନର ଉତ୍ତର ରଖିବାକୁ ଯାଇ ଶିବନ ଏହି ମତ ରଖିଛନ୍ତି । ଏହା ସହିତ ଇସ୍ରୋର ବୈଜ୍ଞାନିକ ମାନେ ଏହି ପ୍ରକଳ୍ପ ପାଇଁ ବହୁତ ପରିଶ୍ରମ କରିଛନ୍ତି ଏବଂ ଚଳିତ ଥରର ତ୍ରୁଟିକୁ ସଂଶୋଧନ କରାଯିବ ବୋଲି ଶିବନ ସୂଚନା ଦେଇଥିଲେ । ଚନ୍ଦ୍ରଯାନ-2ର ଲ୍ୟାଣ୍ଡର ବିକ୍ରମରେ କେଉଁଠି ତ୍ରୁଟି ରହିଲା ଏହାର ଅନୁସନ୍ଧାନ ଚାଲିଛି ଏବଂ ସମସ୍ତ ସୂଚନା ମିଳିବା ପରେ ପରବର୍ତ୍ତୀ ପଦକ୍ଷେପ ଗ୍ରହଣ କରାଯିବ ବୋଲି ଶିବନ ପ୍ରକାଶ କରିଛନ୍ତି । ଅର୍ବିଟରରୁ ଚନ୍ଦ୍ର ସମ୍ପର୍କରେ ଅନେକ ତଥ୍ୟ ମିଳିବ ଏବଂ ଆସନ୍ତା ବର୍ଷ ଗଗନାୟନ ନେଇ ଚୂଡାନ୍ତ ନିଷ୍ପତ୍ତି ଗ୍ରହଣ କରାଯିବ ବୋଲି ଶିବନ କହିଥିଲେ ।
