ସମୀକ୍ଷା ବ୍ୟୁରୋ
1997 ବ୍ୟାଚ ଆଇପିଏସ ଅଧିକାରୀ ଧିରେନ୍ଦ୍ର ସାଂଭାଜୀ କୁଟ୍ଟେ ବା ଡି.ଏସ କୁଟ୍ଟେ ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ସଚିବ ଭାବେ ନିଯୁକ୍ତି ପାଇଛନ୍ତି। ଏହା ପୂର୍ବରୁ ସେ ମୁଖ୍ୟମନ୍ତ୍ରୀଙ୍କ ଓଏସଡି ଭାବେ କାର୍ଯ୍ୟ କରୁଥିଲେ। ସେ 2017 ମସିହାରୁ ଏହି ଦାୟିତ୍ବରେ ରହିଛନ୍ତି। ଏହି ଆଇପିଏସ ଅଧିକାରୀ ପୂର୍ବରୁ ଓଡିଶା ପରିବହନ ବିଭାଗର କମିଶନର ଭାବେ କାର୍ଯ୍ୟ କରିଥିଲେ। ଏଥିସହିତ ଆଇଜି ଅପରେସନ ଭାବେ ମଧ୍ୟ ଗୁରୁ ଦାୟିତ୍ବ ତୁଲାଇଛନ୍ତି। ମୁଖ୍ୟମନ୍ତ୍ରୀଙ୍କ ଓଏସଡି ଭାବେ ସେ ନିଜର ଦକ୍ଷତା ମଧ୍ୟ ପ୍ରତିପାଦନ କରାଇପାରିଛନ୍ତି। ତାଙ୍କ ଉପରେ ମୁଖ୍ୟମନ୍ତ୍ରୀଙ୍କ ଭରସା ବେଶ ରହିଛି। ବିଭିନ୍ନ ଯୋଜନାରେ କାଯ୍ୟକାରିତା ପାଇଁ ସେ ମୁଖ୍ୟମନ୍ତ୍ରଙ୍କ ଶୁଭ ଦୃଷ୍ଟିରେ ରହି ଆସିଛନ୍ତି। ଯାହା ଫଳରେ ମୁଖ୍ୟମନ୍ତ୍ରୀ ତାଙ୍କ ଉପରେ ଭରସା କରି ପୁଣି ଥରେ ଏହି ଗୁରୁ ଦାୟିତ୍ବ ପ୍ରଦାନ କରିଛନ୍ତି।