କାର୍ତ୍ତିକ ଆର୍ଯ୍ୟନ୍, ଭୂମି ପେଡେନ୍କର୍ ଓ ଅନ୍ୟାପାଣ୍ଡେଙ୍କ ଅଭିନୀତ ରୋମାଣ୍ଟିକ କମେଡ଼ି ‘ପତି ପତ୍ନୀ ଔର ଓ୍ବ’ର ଟ୍ରେଲର ଆଜି ରିଲିଜ୍ ହୋଇଯାଇଛି । ଏକ୍ସଟ୍ରା ମ୍ୟାରେଟିଆଲ୍ ଅଫେୟାର୍ସ ଉପରେ ଆଧାରିତ ଏହି ଫିଲ୍ମର ଟ୍ରେଲର୍ ସୋସିଆଲ ମିଡ଼ିଆରେ ଛାଇ ଯାଇଛି । ୧୯୭୮ ମସିହାରେ ରିଲିଜ୍ ହୋଇଥିବା ବଲିଉଡ୍ ଫିଲ୍ମ ‘ପତି ପତ୍ନୀ ଔର ଓ୍ବ’ର ରିମେକ୍ । ମୂଳ ଫିଲ୍ମରେ ସଞ୍ଜୀବ କପୁର୍, ବିଦ୍ୟା ସିହ୍ନା ଓ ରଞ୍ଜିତା କୌର ଅଭିନୟ କରିଥିଲେ। ତେବେ ଟ୍ରେଲର୍ ରିଲିଜ୍ ହେବା ପରେ ଦୁଇ ପ୍ରକାରର କମେଣ୍ଟ ଶୁଣିବାକୁ ମିଳିଛି । କିଛି ଲୋକେ କାର୍ତ୍ତିକ ଆର୍ଯ୍ୟନ୍ ଓ ଅପାରଶକ୍ତି ଖୁରାନାଙ୍କ ଆକ୍ଟିଂକୁ ପସନ୍ଦ କରୁଥିବାବେଳେ ଟ୍ରୋଲର୍ସଙ୍କ ମତରେ ଏଥିରେ କିଛି ନୂଆା ନାହିଁ । ୯୦ଦଶକର ଷ୍ଟୋରୀଲାଇନ୍ ପରି ହୋଇଛି ଓ ଆଉଟଡେଟଡ୍ ବୋଲି କହୁଛନ୍ତି । ତେବେ ଏହି ଟ୍ରେଲ୍ରରେ ଗୋବିନ୍ଦଙ୍କ ଲୋକପ୍ରିୟ ଗୀତ ଆଖିୟୋଁ ସେ ଗୋଲି ମାର୍ ସଙ୍ଗକୁ ନୂଆ ଢଙ୍ଗରେ ଉପସ୍ଥାପିତ କରାଯାଇଛି । ଫିଲ୍ମଟି ଡିସେମ୍ବର ୬ ତାରିଖରେ ରିଲିଜ୍ ହେବାକୁ ଥିବାବେଳେ ଏହି ଟ୍ରେଲରରେ କାର୍ତ୍ତିକ ଅର୍ଥାତ୍ ଚିଣ୍ଟୁ ତ୍ୟାଗୀ ଘରବାଲୀ ଓ ବାହାରବାଲୀଙ୍କ ଭିତରେ ପେଶି ହେଉଥିବାର ନଜର ଆସିଛନ୍ତି । ପ୍ରଥମଥର ପାଇଁ କାର୍ତ୍ତିକ, ଭୂମି ଓ ଅନ୍ୟାନ୍ୟ ଏକାଠି ନଜର ଆସିଛନ୍ତି ।
