ମହାରାଷ୍ଟ୍ର ଏନ୍ସିପି ମୁଖ୍ୟ ଶରଦ ପଓ୍ବାର ଏବଂ ଲୋକସଭା ସାଂସଦ ସୁପ୍ରିୟା ସୁଲେ କେନ୍ଦ୍ର ମନ୍ତ୍ରୀମଣ୍ଡଳରେ ଯୋଗ ଦେବା ଉଚିତ୍ ବୋଲି କେନ୍ଦ୍ରମନ୍ତ୍ରୀ ରାମଦାସ ଅଠାଓ୍ବଲେ ପ୍ରକାଶ କରିଛନ୍ତି । ଉଭୟ ନେତା ବିଜେପି ମନ୍ତ୍ରୀମଣ୍ଡଳରେ ଯୋଗ ଦେବା ଉଚିତ ଏବଂ ଉଭୟଙ୍କ ଅଭିଜ୍ଞତା ଏବଂ ଅନୁଭବ ବିଜେପି ପାଇଁ ଲାଭ ଦାୟକ ହେବ ବୋଲି ଅଠାଓ୍ବଲେ ପ୍ରକାଶ କରିଛନ୍ତି । ପଓ୍ବାରଙ୍କୁ କେନ୍ଦ୍ର ମନ୍ତ୍ରୀ ମଣ୍ଡଳରେ ଏକ ଭଲ ପଦବୀ ଦିଆଯିବା ଉଚିତ୍ ବୋଲି ଅଠାଓ୍ବଲେ ମତ ଦେଇଛନ୍ତି । ପଓ୍ବାରଙ୍କ ପୁତୁରା ଅଜିତ ପଓ୍ବାର ଫଡନବିସଙ୍କ ସହିତ ହାତ ମିଳାଇ ସରକାର ଗଠନ କରିବା ପରେ ଅଠାଓ୍ବଲେ ଏହି ମତ ଦେଇଛନ୍ତି । ଅଠାଓ୍ବଲେଙ୍କ ଏହି ମନ୍ତବ୍ୟ ପରେ ପଓ୍ବାର ବିଜେପି ପ୍ରତି ସମର୍ଥନକୁ ଅସ୍ବୀକାର କରିଛନ୍ତି । ଶରଦ ପୱାର ଟ୍ବିଟ୍ କରି ଏ ନେଇ ସ୍ପଷ୍ଟୀକରଣ ପ୍ରଦାନ କରିଛନ୍ତି । ବିଜେପି ସହିତ ସରକାର ଗଠନ ଅଜିତଙ୍କ ବ୍ୟକ୍ତିଗତ ନିଷ୍ପତ୍ତି ଏବଂ ଏହା ଏନ୍ସିପିର ଦଳଗତ ନିଷ୍ପତ୍ତି ନୁହେଁ ବୋଲି ପଓ୍ବାର ସ୍ପଷ୍ଟ କରିଛନ୍ତି ।
