ନୂଆଦିଲ୍ଲୀ,2/12: ଅଯୋଧ୍ୟା ମାମଲା ରାୟର ପୁନର୍ବିଚାର ପାଇଁ ସୁପ୍ରିମକୋର୍ଟରେ ଆବେଦନ କରିଛି ମୁସଲିମ ପକ୍ଷ । ନଭେମ୍ବର 9ରେ ପ୍ରକାଶିତ ଐତିହାସିକ ରାୟରେ ତ୍ରୁଟି ରହିଥିବା ଅଭିଯୋଗ କରି ମୁସଲିମ ପକ୍ଷ ସୁପ୍ରିମକୋର୍ଟରେ ପୁନର୍ବିଚାର ଯାଚିକା ଦାଖଲ କରାଯାଇଛି । ଏମ୍ ସିଦ୍ଦିକିଙ୍କ ଉତ୍ତରାଧିକାରୀ ମୌଲାନା ସୈଦ୍ ଅସଦ୍ ରସିଦିଙ୍କ ପକ୍ଷରୁ ଏହି ଯାଚିକା ଦାୟର କରାଯାଇଛି । ସର୍ବୋଚ୍ଚ କୋର୍ଟ ଅନୈତିକ ଭାବରେ ବାବ୍ରୀ ମସ୍ଜିଦ୍ ଉପରେ ରାମ ମନ୍ଦିର ନିର୍ମାଣର ରାୟ ପ୍ରଦାନ କରିଛନ୍ତି ତେଣୁ ଏହି ମାମଲାର ପୁନର୍ବିଚାର ପାଇଁ ଆବେଦନ କରାଯାଇଛି । ଏହା ଏକ ସମ୍ବେଦନଶୀଳ ମାମଲା ହୋଇଥିବାରୁ ସଠିକ୍ ନ୍ୟାୟ ପ୍ରଦାନ କରାନଗଲେ ଶାନ୍ତି ଫେରିବାର ସମ୍ଭାବନା କ୍ଷୀଣ ବୋଲି ଯାଚିକାରେ ଉଲ୍ଲେଖ କରାଯାଇଛି । (ଏଜେନ୍ସୀ)
