ନୂଆଦିଲ୍ଲୀ,୬/୧୨: ଦିଲ୍ଲୀର ସଫଦରଜଙ୍ଗ ହସ୍ପିଟାଲରେ ଚିକିତ୍ସାଧୀନ ରହିଥିବା ଉନ୍ନାଓ ଗଣଦୁଷ୍କର୍ମ ପୀଡିତାଙ୍କ ଅବସ୍ଥା ସଙ୍କଟାପନ୍ନ ରହିଥିବା ଜଣାପଡିଛି। ୨୩ ବର୍ଷୀୟା ପୀଡିତାଙ୍କୁ ଦୁଷ୍କର୍ମ ପରେ ନିଆଁରେ ପୋଡି ଦେବାର ଉଦ୍ୟମ କରାଯାଇଥିଲା। ଶରୀରର ୯o ପ୍ରତିଶତ ଜଳି ଯାଇଥିବା ବେଳେ ଗୁରୁବାର ଏୟାର ଲିଫ୍ଟ ଜରିଆରେ ପୀଡିତାଙ୍କୁ ଦିଲ୍ଲୀ ନିଆଯାଇଥିଲା। ଗୁରୁବାର ଦିନ ଦ୍ବିପ୍ରହରରେ ୫ ଜଣ ଅଭିଯୁକ୍ତ ପୀଡିତାଙ୍କୁ ଦୁଷ୍କର୍ମ ପରେ ପୋଡି ମାରିବାକୁ ଉଦ୍ୟମ କରିଥିଲେ। ପୀଡିତାଙ୍କ ଭଉଣୀ ଏହି ଘଟଣାର ସିବିଆଇ ତଦନ୍ତ ଦାବି କରିଥିବା ବେଳେ ୫ ଜଣ ଅଭିଯୁକ୍ତଙ୍କୁ ଗିରଫ କରି ଫାଷ୍ଟଟ୍ରାକ ପ୍ରକ୍ରିୟାରେ ତଦନ୍ତ କରାଯାଉଛି ବୋଲି ପୋଲିସ୍ ଆଇଜି ପ୍ରବୀଣ କୁମାର ସୂଚନା ଦେଇଛନ୍ତି। (ଏଜେନ୍ସୀ)
