ନୂଆଦିଲ୍ଲୀ,6/12: ଅଯୋଧ୍ୟା ମାମଲାରେ ସୁପ୍ରିମକୋର୍ଟଙ୍କ ରାୟ ବିପକ୍ଷରେ 6ଟି ନୂତନ ଯାଚିକା ଦାଖଲ ହେବାକୁ ଯାଉଛି । ନଭେମ୍ବର 9ର ସର୍ବୋଚ୍ଚ କୋର୍ଟଙ୍କ ଐତିହାସିକ ରାୟରେ ରାମଲାଲାଙ୍କୁ ବିବାଦୀୟ ଜମି ପ୍ରଦାନ କରାଯିବା ସହିତ ମୁସଲିମ ପକ୍ଷଙ୍କୁ ମସଜିଦ୍ ନିର୍ମାଣ ପାଇଁ 5 ଏକର ଜମି ପ୍ରଦାନ କରିବାକୁ ନିର୍ଦ୍ଦେଶ ଦିଆଯାଇଥିଲା । ଡିସେମ୍ବର 6 ତାରିଖରେ ବାବ୍ରୀ ମସ୍ଜିଦ୍ ଭଙ୍ଗାକୁ 27 ବର୍ଷ ପୁରୁଥିବା ବେଳେ ଆଉ 6ଟି ନୂତନ ପିଟିସନ୍ ଦାଖଲ କରାଯିବା ନେଇ ସୂଚନା ମିଳିଛି । ପୂର୍ବରୁ ରାୟକୁ ଅନ୍ୟାୟ ବୋଲି ଦର୍ଶାଇ ସିଆ ପକ୍ଷଙ୍କ ତରଫରୁ ଏକ ଯାଚିକା ଦାଖଲ କରାଯାଇଛି । ଅଲ୍ ଇଣ୍ଡିଆ ମୁସଲିମ୍ ପର୍ସନାଲ ଲ ବୋର୍ଡ ସଚିବ ଜାଫରାୟାବଜୀଲାନୀ ପ୍ରକାଶ କରିଛନ୍ତି । ଖୁବ୍ଶୀଘ୍ର ଯାଚିକା ଦାଖଲର ତାରିଖ ସମ୍ପର୍କରେ ଘୋଷଣା କରାଯିବ ବୋଲି ଜିଲାନୀ ପ୍ରକାଶ କରିଛନ୍ତି । (ଏଜେନ୍ସୀ)
Babri masjid demolition