ନୂଆଦିଲ୍ଲୀ,11/12: 2002 ଗୁଜରାଟ ଦଙ୍ଗା ମାମଲାରେ ତତ୍କାଳୀନ ଗୁଜରାଟ ମୁଖ୍ୟମନ୍ତ୍ରୀଙ୍କୁ କ୍ଲିନ୍ଚିଟ୍ ପ୍ରଦାନ କରାଯାଇଛି । ବୁଧବାର ନାନାବତୀ-ମେହେଟ୍ଟା କମିଶନ ପକ୍ଷରୁ ପ୍ରସ୍ତୁତ କରାଯାଇଥିବା ରିପୋର୍ଟରେ ମୋଦିଙ୍କୁ କ୍ଲିନ୍ଚିଟ୍ ପ୍ରଦାନ କରାଯାଇଛି । କମିଶନଙ୍କ ପକ୍ଷରୁ ଟ୍ରେନ୍ ପୋଡିକୁ ପୂର୍ବ ନିର୍ଦ୍ଧାରିତ ଦର୍ଶା ଯାଇଥିବା ବେଳେ ଦଙ୍ଗା ସ୍ବତଃସ୍ଫୂର୍ତ୍ତ ଭାବରେ ଘଟିଥିଲା । ଦଙ୍ଗା ହେବାରେ କିମ୍ବା ଏହାକୁ ବଢାଇବାରେ ସରକାରଙ୍କ କୌଣସି ସମ୍ପର୍କ ନଥିଲା ବୋଲି କମିଶନ ନିଜ ରିପୋର୍ଟରେ ଉଲ୍ଲେଖ କରିଛନ୍ତି । ବୁଧବାର ଗୁଜରାଟ ବିଧାନସଭାରେ ଏହି ତଥ୍ୟ ଦିଆଯାଇଛି । ଉଲ୍ଲେଖଯୋଗ୍ୟ ଯେ, 2002 ମସିହାରେ କରସେବକଙ୍କୁ ନେଇ ଯାଉଥିବା ଟ୍ରେନ୍ର ଏସ-6 କୋଚ୍ରେ ନିଆଁ ଲଗାଯିବାରୁ 59 କରସେବକଙ୍କ ମୃତ୍ୟୁ ଘଟିଥିଲା । ଏହା ପରେ ଦଙ୍ଗା ଘଟି 1044 ଜଣଙ୍କର ପ୍ରାଣହାନି ଘଟିବା ସହିତ 25ଶହ ଆହତ ଏବଂ 225 ଜଣ ନିଖୋଜ ହୋଇଥିଲେ । ମୃତକଙ୍କ ମଧ୍ୟରେ 790 ଜଣ ମୁସଲିମ ରହିଥିବା ବେଳେ 290 ଜଣ ହିନ୍ଦୁ ରହିଥିଲେ । (ଏଜେନ୍ସୀ)
